პარტია „მომავალი საქართველოს“ ზუგდიდის მაჟორიტარი დეპუტატობის კანდიდატი სოსო კორკელია პარტიიის წევრებთან ერთად სამოქალაქო სექტორის და მეიდიის წარმომადგენლებს შეხვდა. შეხვედრა დემოკრატიული ჩართულობის ცენტრში გაიმართა. პარტია „თავისუფალი საქართველო“ 2008 წელს შეიქმნა და მისი ლიდერი გიორგი ლაღიძეა, რომელიც ადრე ადამიანის უფლებადადამცავ არასამთავრობო ორანიზაციას ხელმძღვანელობდა. შეხვედრის დასაწყისს პარტიის მაჟორიტარობის კანდიდატმა საქართველოში სამართლებრივი საკითხების რეგულაციაზე ისაუბრა და აღნიშნა, რომ პარტიის ძირითადი მიზანი საქართველოში სამართლიანი გარემოს შექმნა და ადამიანის უფლებების დაცვაა. პარტიის წევრებმა ისაუბრეს ქვეყნის ეკონომიკურ განვითარების გეგმებზე და აღნიშნეს რომ მათთვის მისაბაძია ნორვეგიის ეკონომიკური სისტემის მოდელი, სადაც მცირე შემოსავლის მქონე ოჯახებისთვის გადასახადების ოდენობა მინიმუმამდეა დაყვანილი. „ქვეყნის ეკონომიკის განვითარება ვერ მოხერხდება მხოლოდ ტურიზმის განვითარებით, უპირველეს ყოვლისა აუცილებელია საწარმოების ამოქმედება და შიდა წარმოების გაზრდა“ – ასეთია პარტიის მაჟორიტარობის კანდიდატის ხედვა ეკონომიკური გაძლიერების მხრივ.

რაც შეეხება კონფლიქტური ურთიერთობების დარეგულირებას „მომავალი საქართველოს“ მაჟორიტარი კანდიდატი მიიჩნევს, რომ აუცილებელია საქართველომ რუსეთთან დაარეგულიროს ურთიერთობა, მაგრამ ამასთან, პარტიას სურს რომ საქართველოს ხელისუფლებაში მოვიდეს ძალა, რომელიც იქნება ეროვნული და არ დაექვემდებარება არც ერთ ქვეყანას.