ცენტრალურ საარჩევნო კომისიაში არჩევნების პირველადი შედეგები ღამის სამი საათის შემდეგ გამოქვეყნება. ამის შესახებ ინფორმაცია ცესკოს პრესსპიკერმა ეკა აზარაშვილმა ჟურნალისტებს ცოტა ხნის წინ მიაწოდა. მისი თქმით, ცესკო საარჩევნო უბნებიდან ოქმების მიღებას 23:00 საათიდან დაიწყებს. "თერთმეტი საათიდან დაიწყება უბნებიდან საარჩევნო ოქმების მიღება. არჩევნების წინასწარი შედეგები კი ღამის სამ საათზე გამოქვეყნდება", - აცხადებს აზარაშვილი. ცენტრალური საარჩევნო კომისიის 17:00 საათის მონაცემებით, არჩევნებში მონაწილეობა 1 916 395 ამომრჩეველმა უკვე მიიღო. უბნებზე ყველაზე მაღალი აქტივობა რეგიონებს შორის 67.4% საჩხერეში დაფიქსირდა. შემდეგ მოდის ამბროლაური 67,3% და ხარაგაული 67,1%. რაც შეეხება საქართველოს დედაქალაქს, თბილისში ყველაზე აქტიური მთაწმინდისა და ვაკის ოლქები გახლდათ. ყველაზე პასიური რეგიონი წალკა, ხოლო დედაქალაქში ისნის რაიონში დაფიქსირდა.