„ივანიშვილის გამარჯვება არ ნიშნავს იმას, რომ მოხდება რაღაც ძირეული ცვლილება აფხაზეთთან მიმართებაში",– ეს განცხადება დე ფაქტო აფხაზეთის ე.წ. პარლამენტის ვიცე-სპიკერმა ემმა გამისონიამ გააკეთა კოალიცია "ქართული ოცნების" ლიდერის ბიძინა ივანიშვილის განცხადების კომენტირებისას, იმის შესახებ, რომ "აფხაზებსა და ოსებს მეტი სითბო, სიყვარული და მეტი მოფერება სჭირდებათ". "საქართველოს ასეთ პოლიტიკურ ხელოვნებას აფხაზეთში უკვე მიეჩვივნენ. იგივე კეთდებოდა და იგივე საუბრები ისმოდა, როდესაც ხელისუფლებაში სააკაშვილი იყო. ჯერ იყო ჩვენდამი სიძულვილი ახლა კი სიყვარულით თამაში მიდის. მთავარი კი სიტყვები კი არა პოლიტიკური ნაბიჯები და ქმედებებია. იმ შემთხვევაში თუ ხელი მოეწერება სამშვიდობო ხელშეკრულებას, შესაძლებელი იქნება საქართველოსთან მოლაპარაკებების წარმოება ნებისმიერ ფორმატში აფხაზი მეცნიერი და პოლიტიკოსი ირინა აგრბა თვლის, რომ  რომ საქართველოსა და აფხაზეთის თანამშრომლობის ერთადერთი და მნიშვნელოვანი - ძალის გამოუყენებლობის შესახებ შეთანხმების გაფორმებაა. "დრო გვიჩვენებს წავა თუ არა საქართველოს ხელისუფლება ამაზე",– აცხადებს აგრბა.და მხოლოდ მაშინ შეიძლება ცვლილებებზე საუბარი", –აცხადებს გამისონია. "არსებობს დიდი ეჭვი, რომ საქართველოს საზოგადოებრიობა და სახელმწიფო მზადაა საპარლამენტო რესპუბლიკის  ფუნქციონირებისათვის, რადგან ამ შემთხვევაში საჭიროა დიდი რაოდენობის საარჩევნო ბლოკებისა და პარტიების  არსებობა, თუმცა ხელისუფლების ავტორიტარული ფორმისგან დაშორება, დადებითი ეტაპია მისი მომავლისთვის“ - განაცხადა აფხაზმა პოლიტიკოსმა. სააკაშვილსა და ივანიშვილს შორის ირინა აგრბა დიდ სხვაობას ვერ ხედავს: "ნებისმიერი ცვლილება საქართველოში დასავლური პროექტების ჩარჩოებში ხდება. მე არ ვფიქრობ, რომ ამჟამინდელი სიტუაცია რუსეთს აწყობდეს. იმ შემთხვევაშიც, თუ საქართველოს პოლიტიკურ სპექტრში არის პრორუსული ძალები, არა მგონია, ამან დიდი გავლენა მოახდინოს საქართველოს საზოგადოებაზე", -  აცხადებს აფხაზი მეცნიერი. Regnum