საპარლამენტო არჩევნების შემდეგ პოლიტიკური პროცესებზე და სამომავლო პერსპექტივებზე სასტუმტო "ქორთიარდ მარიოტში" მიმდინარე კონფერენციაზე მსჯელობენ. კონფერენციაზე მომხსენებლების სტატუსით სამოქალაქო სექტორის წარმომადგენლებთან ერთად, “ქართული ოცნებიდან” დავით უსუფაშვილი და “ერთიანი ნაციონალური მოძრაობიდან” გიორგი ბარამიძე ესწრებიან.შეხვედრაზე ასევე იმყოფებიან აშშ–სა და შვეიცარიის ელჩები და საქართველოში ევროკავშირის წარმომადგენლობის თავმჯდომარე ფილიპ დიმიტროვი. როგორც ფილიპ დიმიტროვმა ჟურნალსიტებთან საუბრისას განაცხადა საპარლამენტო არჩევნები საქართევლოსთვის დიდი გამოცდა იყო, რომელიც მან თითქმის წარმატებით ჩააბარა. “ეს შეხვედრა არის კიდევ ერთი შესაძლებლობა არასამთავრობო ორგანიზაციებისათვის, რათა მოუსმინონ პარტიებსის წარმომადგენლებს და დაუსვან შეკითვები იმასთან დაკავშირებით, თუ რა იგეგმება მომავალში. ეს არის აზრთა გაცვლა, რომელიც ძალიან სასარგებლოა.”–აღნიშნა დიმიტროვმა დავით უსუფაშვილმა ჭეშნარიტად მრავალპარტიული პარლამენტის ჩამოყალიბებაზე ისაუბრა და აღნიშნა, რომ უკვე ოპოზიციის წარმომადგენლები დემოკრატიად თვლიდნენ იმას რასაც თვითონ ჩადიოდნენ. ჩვენ ჩამოვაყალიბებთ მრავალპარტიულ და მრავალხმიან პარლამენტს და ამ განსხვავებას ხალხი ძალინ მალე იგრძნობს. მან შეხვედრაზე ასევე ისაუბრა იმ საფრთხეზე, რომელიც ორივე პარტიას ემუქრება. "არჩევნების შემდეგ გარკვეული საფრთხეები არსებობს ორივე პოლიტიკური ძალის მიმართ. მაგალითად, გამარჯვებულ ძალას ემუქრება საფრთხე, მოისხას მორალისტი ინკვიზიტორის მანტია, რადგან ძალიან ბევრი ქონებაა მოპარული და ამის გამო შესაძლოა, თვალი რევანშისკენ გაგვექცეს. რა თქმა უნდა, ეს არ უნდა დავუშვათ. ფაქტია ისიც, რომ თუ ახალმა ხელისუფლებამ ძველ დანაშაულებზე რეაგირება არ მოახდინა, გამოდის, რომ ის საზოგადოებამ ტყუილად აირჩია. თუმცა, კონკრეტული დარღვევები ჩვენი გადასაწყვეტი არ უნდა იყოს და ეს საკითხები დამოუკიდებელმა სასამართლომ უნდა განიხილოს. ამავე დროს, "ნაციონალურ მოძრაობას" არ უნდა მიეცეს საშუალება, მოისხას წამებული დემოკრატის მანტია. არც ამის დაშვება იქნება სწორი, რადგან წლების განმავლობაში პოლიტიკური პროცესი, რომელიც ამ ქვეყანაში მიმდინარეობდა, იყო უკიდურესად მძიმე და არც იმ საარჩევნო კამპანიას, რომელიც ჩვენ ვნახეთ, არ შეიძლება, ეწოდოს ტესტის ჩაბარება ხელისუფლების მხრიდან"–აღნიშნაუსუფაშვილმა ხოლო გია ბარამიძის განცხადებით კი “ერთიანი ნაციონალური მოძრაობა” აქტიური და კონსტრუქციული ოპოზიცია იქნება. და ისინი დღესაც როგროც ყოველთვსი დიდი მნიშვნელობას ანიჭებდნენ, როგროც ევროკავშირს, ასევე არასამთავრობო სექტორთან ურთიერთობასაც. "შეიძლება ითქვას, რომ 100%-ით არა, მაგრამ საქართველო 2 ოქტომბერს პოსტსაბჭოთა სივრციდან გამოვიდა და დემოკრატიული ქვეყნად გარდაიქმნა იმ განცხადებით, რაც ქვეყნის პრეზიდენტმა გააკეთა და იმ პროცესით, რაც ახლა მიმდინარეობს", - აღნიშნა გიორგი ბარამიძემ. “ეროვნული პლატფორმის” წევრის ქეთი ციხელაშვილის განცხადებით ისინი მსჯელობენ, თუ როგორ ჩამოყალიბდება საბოლოოდ ურთიერთობები მთავრობის გადაბარების შემდეგ პარლამენტის სივრცეში,მისივე თქმით ამას ძალინ დიდი მნიშვნელობა აქვს იმისთვის, თუ როგრო წარიმართება სამომავლო დემოკრატიული რეფორმები.