დაკავებული სამი პირის, ბაჩო ახალაიას, გიორგი კალანდაძისა და ზურაბ შამათავას სასამართლო პროცესი დღეს გაიმართება . დაკავებულების ადვოკატებისთვის სასამართლო პროცესის ზუსტი დრო ცნობილი არ არის. სამივე პირს ბრალი სისხლის სამართლის 333 მუხლის მესამე ნაწილით წარედგინა, ამასთან ბაჩო ახალაიას დაუმძიმდა და სისხლის სამართლის კოდექის 333-ე მუხლთან ერთად, რაც თანამდებობრივი უფლებამოსილების გადაჭარბებას გულისხმობს, ბრალი 143-ე მუხლის მეოთხე ნაწილითაც წაუყენეს. ადვოკატების განაცხადებით, ბაჩო ახალაიას წინააღმდეგ ბრალის დამძიმებას მოტივად დაედო ახალი სარჩელი, რაც თავისუფლების უკანონო აღკვეთას გულისხმობს. საქმესთან დაკავშირებული დეტალები უცნობია, როგროც ადვოკატები აცახდებენ არც ბაჩო ახალაია და არც ერთი სხავა დაკავებული ბრალს არ აღიარებს. ახალაია 7 ნოემბერს, 01:00 საათზე, პროკურატურაში დაკითხვის შემდეგ დააკავეს, გენშტაბის უფროსი გიორგი კალანდაძე - თავდაცვის სამინისტროში 7 ნოემბერსვე, 05:20 საათზე, ხოლო მე-4 ბრიგადის მეთაური ზურაბ შამათავა - საკუთარ სახლში 06:00 საათზე. დაკავებულებს ბრალი 8 ნოემბერს წარუდგინეს. 24 საათის განმავლობაში მათ თბილისის საქალაქო სასამართლოში აღკვეთის ღონისძიების სახით, სავარაუდოდ წინასწარ პატიმრობას შეუფარდებენ.