მა ახალი მთავრობის დამტკიცებიდან დღემდე პერიოდი შეაჯამა. როგორც სასტუმრო "რედისონში" სას პრემიერ-მინისტრმა განაცხადა, შეიცვალა მინისტრები და სამინისტროები ახალი კადრებით დაკომპლექტდა. თუმცა, ივანიშვილის თქმით, საჯარო მოხელეების უმეტესობამ თანამდებობები შეინარჩუნა. "მინისტრები და მოადგილეები შეიცვალა. გვაქვს პრეცედენტები, როცა ზოგ სამინისტროში თანამდებობები მოადგილეებმაც შეინარჩუნეს. ძალიან ბევრს ვმუშაობთ და შესაძლებლობის მაქსიმუმს ვაკეთებთ. ხშირად მავიწყდება, კვირის რომელი დღეა, რადგან ბევრი სამუშაოა. ბევრი ვალდებულება ავიღეთ წინასაარჩევნოდ, ბევრი დაპირება გავეცით და უნდა შევასრულოთ. ვამბობდი, რომ პოლიცია და პროკურატურა ჩადგება ხალხის სამსახურში. ამ კუთხით ორივე უწყება ფორმირებულია და შეიძლება ვთქვათ, რომ ისინი ხალხის სამსახურში ჩადგა. არ ვფიქრობ, რომ საჯარო მოხელეების დიდმა ნაწილმა სამსახურები დაკარგა, რადგან ვცდილობთ, მინიმალური საკადრო ცვლილებები განვახორციელოთ. გასუფთავების პროცესი კიდევ გაგრძელდება. ვისაც სისხლის სამართლის დანაშაული ჰქონდა, სულ ცოტა, სამსახურის დატოვება მოუწევს. მთავრობის ფორმირების პროცესი კარგად ვითარდება და სასჯელაღსრულების სამინისტროშიც ექსცესებით სავსე პროცესი სტაბილურდება", - აღნიშნა ბიძინა ივანიშვილმა. რაც შეეხება სასამართლოს, პრემიერის შეფასებით, ის აქამდე მხოლოდ ერთი კაცის ინტერესებით ხელმძღვანელობდა. "ოდესღაც მთელი სამართალდამცავი სისტემა მხოლოდ ადეიშვილზე იყო მორგებული. სასამართლოსთან დაკავშირებით იუსტიციის მინისტრს აქვს გარკვეული პრობლემები. დღეს შეგიძლიათ ნახოთ, რომ სასამართლოში ცვლილებები არ განხორციელებულა. ვცდილობთ შევუნარჩუნოთ მას დამოუკიდებლობის ის ნაწილი, რაც ჰქონდა", - აღნიშნა ივანიშვილმა. სასტუმრო "რედისონში" პრესკონფერენციის დაწყებამდე, პრემიერ-მინისტრი ბიძინა ივანიშვილი ჟურნალისტებს არაოფიციალურად გაესაუბრა. ბიძინა ივანიშვილი დაინტერესდა, როგორი ინტენსივობით იქნებოდა შეხვედრების გამართვა ჟურნალისტებთან მისაღები. ჟურნალისტებმა აღნიშნეს, რომ სასურველია, თვეში ერთხელ გაიმართოს ასეთი შეხვედრები, ხოლო თუ აქტუალური თემა გამოჩნდება, კარგი იქნება, თუ პრემიერი მედიას სხვა დღეებშიც შეხვდება. ამასთან, ივანიშვილმა აღნიშნა, რომ ჟურნალისტის წყენა არ შეიძლება. " რეალ ტივის" ვერ ვხედავ და მაკლია თვალს", - განაცხადა ივანიშვილმა. მისივე თქმით, დამნაშავე ის არის, ვინც ჟურნალისტებს ცუდ იდეოლოგიას უნერგავს. ამასთან, ბიძინა ივანიშვილმა განაცხადა, რომ მან განათლების მინისტრს გიორგი მარგველაშვილს ხუმრობით უთხრა, რომ "ფილოსოფოსობას თავი დაანებე და ცოტა გასაგებად უთხარი ხალხს".