კვლევის მიხედვით, საქართველოს პრემიერ–მინისტრი ბიძინა ივანიშვილი რესპონდენტთა 80 პროცენტს მოსწონს, პრეზიდენტი მიხეილ სააკაშვილი კი - 29 პროცენტს. გამოკვლევაში შეყვანილი სხვა პოლიტიკოსების რეიტინგები ასე გამოიყურება, 63 პროცენტი – დავით უსუფაშვილი; 61-61 პროცენტი – ეკა ბესელია და თინა ხიდაშელი; 60 პროცენტი – ზვიად ძიძიგური; 53 პროცენტი – კობა დავითაშვილი; 45 პროცენტი – მანანა კობახიძე; 44 პროცენტი – გოგი თოფაძე; 42-42 პროცენტი – დავით ბაქრაძე და გუბაზ სანიკიძე; 40 პროცენტი – დავით საგანელიძე; 36 პროცენტი – ზურაბ აბაშიძე; 35 პროცენტი – გიორგი თარგამაძე; 34 პროცენტი – კახა კუკავა; 30 პროცენტით გუგული მაღრაძე. გამოკითხულთა 63%-სთვისთვის მათ შეხედულებებთან ყველაზე ახლოს კოალიცია "ქართული ოცნება" დგას, გამოკითხულთა 10%-სთვის კი მის შეხედულებებთან ყველაზე ახლოს "ნაციონალური მოძრაობა". შეკითხვაზე: "რომელი პარტია დგას თქვენს შეხედულებებთან ყველაზე ახლოს?" - გაოკითხულთა 10%-მა პასუხის გაცემაზე უარი განაცხადა, ხოლო 8%-მა არ იცის. აღნიშნულ კატეგორიაში გამოკითხულთა 5% მიიჩნევს, რომ თავის შეხედულებებთან ახლოს არც ერთი პარტია დგას, ხოლო 3% თვლის, რომ ასეთი პოლიტიკური პარტია "ქრისტიან-დემოკრატიული მოძრაობაა". რაც შეეხება სხვა ოპოზიციურ პარტიებს, მათ მხარი გამოკითხულთა 1%-მა დაუჭირა. გამოკითხულთა 34% პრემიერ-მინისტრის ბიძინა ივანიშვილის საქმიანობას "ძალიან კარგად", ხოლო 35 "კარგად" აფასებს. NDI-ის კვლევის თანახმად, საქართველოს პარლამენტის თავმჯდომარის დავით უსუფაშვილის საქმიანობა გამოკითხულთა 5%-მა "ძალიან კარგად", ხოლო 33%-მა "კარგად" შეაფასა. "ქართული ოცნების" წარმომადგენლის, მანანა კობახიძის საქმიანობას გამოკითხულთა 6% "ძალიან კარგად", ხოლო 28% "კარგად" აფასებს. კვლევაში პარლამენტის ყოფილი თავმჯდომარის დავით ბაქრაძის საქმიანობა 4%-მა "ძალიან კარგად", ხოლო 17%"კარგად" შეაფასა. რაც შეეხება საქართველოს პრეზიდენტის მიხეილ სააკაშვილის საქმიანობას, მას გამოკითხულთა მხოლოდ 3% აფასებს "ძალიან კარგად", ხოლო 13%-ს მიაჩნია, რომ მისი საქმიანობა "კარგია". თბილისის მერის გიგი უგულავას საქმიანობას "ძალიან კარგად" 3%, "კარგად" კი 11% აფასებს. რაც შეეხება გიგა ბოკერიას, მისი საქმიანობა "ძალიან კარგად" გამოკითხულთა 1%-მა შეაფასა, ხოლო 5%-მა "კარგად. NDI-ის კვლევის თანახმად, ,,სრულიად საქართველოს კათოლიკოს-პატრიარქი, მცხეთა-თბილისის მთავარ ეპისკოპოსი, ბიჭვინთისა და ცხუმ-აფხაზეთის მიტროპოლიტი უწმინდესი და უნეტარესი ილია მეორე გამოკითხულთა 93%-ს მოსწონს. NDI-ის კვლევის თანახმად, გამოკითული მოსახლეობის 70% ფიქრობს, რომ სოფლის მეურნეობის საკითხების მოგვარებას "ქართული ოცნება" შეძლებს, ხოლო 5% ფიქრობს, რომ ამ საკითხებს "ნაციონალური მოძრაობა" მოაგვარებს. ამასთან, გამოკითხულთა 68% მიიჩნევს, რომ პენსიების საკითხების მოგვარებას "ქართული ოცნება" შეძლებს, 7% კი ფიქრობს, რომ ამ საკითხს "ნაციონალური მოძრაობა" მოაგვარებს. გამოკითხულთა 68% ფიქრობს, რომ ჯადაცვის საკითხებს "ქართული ოცნება" მოაგვარებს, ხოლო 7% ფიქრობს, რომ ამ საკითხის მოგვარებას "ნაციონალური მოძრაობა" შეძლებს.