პარლამენტის თავმჯდომარემ დავით უსუფაშვილმა, პრემიერ-მინისტრ ბიძინა ივანიშვილის შერიგების ინიციატივასთან დაკავშირებით მზადყოფნა გამოთქვა და განაცხადა, რომ საპარლამენტო უმცირესობიდან რეკომენდაციებს მიიღებს. მისი თქმით, მმართველი კოალიცია მზად არის საჯარო მოხელეების მიმართ დაწყებული სამართლებრივი დევნა შეწყვიტოს. ერთადერთი ვისზეც არ გავრცელდება ეს კანონი ის პირები იქნებიან, ვისაც მძიმე დანაშული ექნება ჩადენილი. "გირგვლიანის, რობაქიძის და სხვა ამბების ჩამოთვლა შორს წაგვიყვანს და შეუძლებელია ვინმეს რამე ვაპატიოთ, თუკი საქმე გვაქვს მილიონობით სახელმწიფო ქონების განკარგვასთან. რაც შეეხებათ იმ ადამიანებს ვინც შეიძლება თავად იყვნენ ამ სისტემის მსხვერპლნი, ანუ შემსრულებლები ამიტომ ჩვენ ვამბობთ მზად ვართ ვაპატიოთ და მივუტევოთ", - დასძინა უსუფაშვილმა. საყოველთაო შერიგების დოკუმენტი ყველა დანარჩენ შემთხვევებში მთავრობის ყოფილ მაღალ ჩინოსნებსა და საჯარო მოხელეებზე გავრცელდება, ამ საკითხის განხილვას პარლამენტი საგაზაფხულო სესიიდან დაიწყებს.