აბაშის მინიციპალიტეტში გამართულ რიგგარეშე სხდომაზე ახალი გამგებელი, გოჩა ჭანტურია ერთხმად იქნა არჩეული. პარალელურად გრძელდება „ქართულო ოცნების“ აქტივისტების პროტესტი საკრებულოს შენობასთან. როგორც რადიო ათინათს მუნიციპალიტეტის საკრებულოს თავჯდომარის მოადგილემ, დავით კაჭარავამ განუცხადა „ახალი გამგებელი ახლებურად უყურებს სიტუაციას“. მან ასევე აღნიშნა, რომ არ იცის თუ რა მოთხოვნები აქვთ საკრებულოს შენობასთან შეკრებილ აქტივისტებს. აღნიშნულ ფაქტთან დაკავშირებით რადიო „ათინათთან“ საუბარში „დაიცავი საქართველოს“ წარმომადგენელმა კახა მიქაიამ განაცხადა, რომ აბაშაში დაძაბული სიტუაციაა. „სააკაშვილი ცდილობს ადგილობრივ დონეზე ხელისუფლების შენარჩუნებას და საბოტაჟს ახალი ხელისუფლების წინააღმდეგ. გამგებლის არჩევა ყველანაირი ნორმების დარღვევით მოხდა, ნაციონალურმა მოძრაობამ საკუთარი კანდიდატი გაიყვანა გამგებლად“-აღნიშნა კახა მიქაიამ, რომელიც აბაშაში ბოლო დროს განვითარებულ მოვლენებში აქტიურად იყო ჩართული.