ციხის სკანდალური კადრების ავტორმა საქართველოში დაბრუნების შემდეგ სასჯელაღსრულების დაწესებულებებში პატიმართა წამების დეტალებზე ტელეკომპანია „მაესტროს“ ეთერში ისაუბრა. მისი განცხადებით პატიმართა წამება ყოფილი მაღალჩინოსნების დაკვეთით და მათი უშუალო მონაწილეობით ხდებოდა. მისი თქმით პირველად მსგავსი ჩანაწერის მომზადება სასჯელაღსრულების დაწესებულებაში ალექსანდრე რუხაძის ხელმძღვენელობის დროს მოხდა. ,,მეექვსე საპყრობილეს გახსნის დღეს, როდესაც ე.წ ციხის ბუნტი მოხდა ბაჩო ახალაია პირადად ესწრებოდა და მონაწილეობდა პატიმრების ცემის, წამების ფაქტებში და პირადად აუპატიურებდა პატიმრებს. ამ კადრებს იღებდა სასჯელაღსრულების დეპარტამენტის პრესცენტრი", _ განაცხადა ,,მაესტროსთან" საუბარში ბედუკაძემ და აღნიშნა, რომ ფირები შემდეგ ბაჩო ახალაიას მიჰქონდა. შეგახსენებთ, რომ ვლადიმერ ბედუკაძე საქართველოში რამდენიმე დღის წინ დაბრუნდა და იგი სასამართლომ გირაოს სანაცვლოდ გაათავისუფლა.