ისრაელის პრემიერ-მინისტრის ბენიამინ ნეთანიაჰუს პარტია „ლიკუდმა“ ისრაელში ვადამდელ საპარლამენტო არჩევნებში გაიმარჯვანეთანიაჰუმ უკვე გამართა მოლაპარაკება მემარჯვენე პარტიების ლიდერებთან კოალიციის შექმნის საკითხზე. არჩევნები გასული წლის ბოლოს საპარლამენტო კრიზისის შემდეგ დაინიშნა. მმართველი კოალიციის დაშლის შემდეგ პარლამენტმა თვითდაშლა გამოაცხადა. ექსპერტები არჩევნებში ოპოზიციის გამარჯვებას პროგნოზირებდნენ, თუმცა, ეგზიტპოლების მონაცემებით, მმართველმა პარტიამ გაიმარჯვა. „ყველა დაცინვის მიუხედავად, ჩვენ „ლიკუდის“ დიდ გამარჯვებას მივაღწიეთ. მე ვამაყობ ისრაელის მოსახლეობით. მან მთავარი მეორეხარისხოვნისგან გაარჩია და მხარი დაუჭირა ჩვენს პრინციპებს – უსაფრთხოებას, ეკონომიკას და სოციალურ დაცვას“, – განაცხადა ბენიამინ ნეთანიაჰუმ.