უკრაინის ექს-პრეზიდენტი ვიქტორ იანუკოვიჩი მოსკოვის ერთ - ერთ საავადმყოფოში მოათავსეს, ამის შესახებ „Московский комсомолец» წერს. გამოცემის წყაროს თანახმად, იანუკოვიჩი ინფარქტის ნიშნებით არის ჰოსპიტალიზირებული. მედიკოსების შეფასებით , მისი ჯანმრელობის მდგომარეობა მძიმეა. ოფიციალურად ეს ინფორმაცია ჯერ არ დასტურდება, წერს МК. ამასთან, " Украинская правда" - ს ინფორმაციით, გაქცეული პრეზიდენტი ჯანმრთელია და რუსეთში, კრასნოდარის ოლქში, გელენჯიკში იმყოფება. არაოფიციალური მონაცემებით, ვიქტორ იანუკოვიჩის ვაჟი სევასტოპოლში დაასაფლავეს. ვიქტორ იანუკოვიჩი - უმცროსი ბაიკალის ტბაზე მიმდინარე რალიში მონაწილეობისას, Volkswagen Multivan -ს მართავდა, როდესაც მოულოდნელად ყინული ჩატყდა და ის წყალში ჩავარდა. მანქანაში მასთან ერთად კიდევ ხუთი ადამიანი იმყოფებოდა, ოთხმა მგზავრმა მანქანიდან გადმოხტომა მოახერხა, მეხუთე კი წყლიდან ამოიყვანეს. თავად ვიქტორმა ვერ მოახერხა მანქანის დატოვება, რადგან მანქანა სწორედ მძღოლის კარების მხარეს გადაბრუნდა.