უკრაინის სახელმწიფო ენერგეტიკული კომპანია, ნაფტოგაზი აცხადებს, რომ 1 ივლისიდან შეწყვეტს რუსეთისგან გაზის შესყიდვას, სანამ მიწოდების თაობაზე ახალ პირობებზე მოხერხდება შეთანხმება. 30 ივნისს გავრცელებულ განცხადებაში ნაფტოგაზი ამბობს, რომ ეს არ გამოიწვევს შეფერხებას ევროპული ქვეყნებისკენ უკრაინის გავლით გაყვანილ სატრანზიტო გზებზე.უკრაინის ენერგეტიკის მინისტრის ვლადიმერ დემჩიშინის თქმით, მესამე კვარტალში გაზის ფასი ათას კუბურ მეტრზე 247,18 დოლარს შეადგენდა, ორშაბათს რუსეთის პრემიერ - მინისტრის დიმიტრი მედვედევის მიერ დასახელებული ეს ფასი უკრიანას არ აწყობს. კიევი ათას კუბურ მეტრ რუსულ გაზში 200 დოლარზე ოდნავ მეტით გადახდას სამართლიანად მიიჩნევს. თავის მხრივ,რუსეთის ენერგეტიკის მინისტრმა ალექსანდრ ნოვაკმა აღნიშნა, რომ ნავთოგაზისთვის 40 დოლარზე მეტი ფასდაკელბის აუცილებლობა არ არსებობს, რადგან ამ შემთხვევაში ფასები საბაზროზე უფრო დაბალი იქნება. ვლადიმირ დემჩიშინი აცხადებს, რომ მოლაპარაკების შემდეგი რაუნდი სექტემბერში გაიმართება.