პოლიტიკა
იენს სტოლტენბერგი: საქართველოს შეუძლია ჰქონდეს ნატოს იმედი
ნატოს საქართველოს იმედი აქვს და საქართველოსაც შეუძლია ჰქონდეს ნატოს იმედი - ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა განაცხადა თბილისში, საქართველოს პრემიერ-მინისტრთან ირაკლი ღარიბაშვილთან ერთად გამართულ ბრიფინგზე.
იენს სტოლტენბერგის შეფასებით,საქართველოს აქვს ყველა საჭირო ინსტრუმენტი ნატოს წევრობის გზაზე წინსვლისთვის და ამ ინსტრუმენტებს ეფექტურად იყენებს. „ევროატლანტიკური ინტეგრაცია მარტივი გზა არ არის და დრო, ძალისხმევა და რეალური ცვლილებების განხორციელება სჭირდება“, - განაცხადა იენს სტოლტენბერგმა. მისივე თქმით, საქართველოს ხალხი და მთავრობა ამ მიმართულების ერთგულია. გენერალურმა მდივანმა აღნიშნა, რომ ნატო ყურადღებით აკვირდება საქართველოში მიმდინარე რეფორმებს, სასამართლო სისტემის რეფორმის ჩათვლით და ხაზს უსვამს ქვეყნის მიერ მიღწეულ პროგრესს. ამასთან, იენს სტოლტენბერგმა განაცხადა, რომ საჭიროა პროგრესის გაგრძელება საკონსტიტუციო და საარჩევნო რეფორმის მიმართულებით. „ამ სერიოზული რეფორმების გზაზე ჩვენ გავაგრძელებთ საქართველოს მხარდაჭერას“, - აღნიშნა სტოლტენბერგმა.
ბრიფინგზე დასმულ შეკითხვას, მიიღებს თუ არა საქართველო ნატოს მომავალ სამიტზე გაწევრიანების სამოქმედო გეგმას, ალიანსის გენერალურმა მდივანმა უპასუხა, რომ წინასწარ ვერაფერს იტყვის. „პროგრესი აშკარაა, რადგან მიღწევებია როგორც პოლიტიკური, ისე სასამართლო სისტემის რეფორმირების თვალსაზრისით და ენთუზიაზმით გვავსებს, როცა ვხედავთ, რომ საქართველოს მთავრობა რეფორმების გზის ერთგულია“, - განაცხადა იენს სტოლტენბერგმა. მისივე თქმით, ნატოს და საქართველოს აქვთ ყოველწლიური სამოქმედო გეგმა, ერთობლივი კომისია და „არსებითი პაკეტი,“ რომლის ფარგლებშიც წვრთნისა და შეფასების ერთობლივი ცენტრის გახსნა უმნიშვნელოვანესი მოვლენაა. „ის გავლენას იქონიებს მთელ ქვეყანაზე და წვლილს შეიტანს რეალური პროგრესის მიღწევაში, რომლისკენაც ერთად მივიწევთ. დღეს უფრო მეტად არის საქართველო ნატოში და ნატო საქართველოში. ეს რეალური პროგრესია და ძალზე მნიშვნელოვანია ქვეყნისთვის. ეს გახლავთ გზა წევრობისკენ", - განაცხადა ნატოს გენერალურმა მდივანმა იენს სტოლტენბერგმა.
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები