საქართველოს პრეზიდენტის, გიორგი მარგველაშვილის  მრჩეველი პოლიტიკური საკითხებში "ახალი მემერჯვენეების" თავმჯდომარე ფიქრია ჩიხრაძე იქნება. ამის შესახებ გიორგი მარგველაშვილმა საგანგებო ბრიფინგზე განაცხადა. „ქალბატონი ფიქრია დაიკავებს ძალიან მნიშვნელოვან როლს ჩვენს ადმინისტრაციაში და იმ პროცესებში, რომლებშიც აქტიურად არის ჩართული პრეზიდენტი და მისი ადმინისტრაცია. ბუნებრივია, რომ ჩვენ თანამშრომლობა სწორედ მას ვთხოვეთ, გამომდინარე მისი ძალიან შთამბეჭდავი და ხანგრძლივი პოლიტიკური წარსულიდან“ , - განაცხადა გიორგი მარგველაშვილმა. ფიქრია ჩიხრაძე, რომელიც აქამდე „ახალი მემარჯვენეების“ თავმჯდომარე იყო, აღნიშნავს, რომ მისი გადაწყვეტილება გიორგი მარგველაშვილის პოლიტიკურმა კურსმა განაპირობა. "პრეზიდენტის მრჩევლის ამპლუაში ვაჩერებ ყველანაირ პარტიულ მოღვაწეობას“, - განაცხადა პრეზიდენტის პოლიტიკურმა მრჩეველმა.