საქართველოს რესპუბლიკური პარტია დღეს 35 წლის იუბილეს და პარტიის გაწევრიანებას "ლიბერალ ინტერნაციონალში" აღნიშნავს. ღონისძიება ზუგდიდშიც გაიმართა და მას  სამეგრელოს მასშტაბით არსებული რაიონული ორგანიზაციის წარმომადგენლები შეუერთდნენ. შეკრებილებს  ზუგდიდის რაიონული ორგანიზაციის უკვე ყოფილმა თავმჯდომარემ,  ნონა თოლორაიამ იუბილე მიულოცა და სიტყვით მიმართა. როგორც თოლორაიამ თავის მიმართვაში აღნიშნა ის შვიდი წელი ხელმძღვანელობდა  რაიონში რესპუბლიკურ პარტიას ხოლო მთავრობაში მოსვლის შემდეგ  საქართველოს კანონმდებლობით მას პარტიის წევრობა ეკრძალება. როგორც თავად განაცხადა „ მე ძალიან ახლოდან გადევნებთ თვალყურს და გისურვბთ, ყოველთვის ქვეყნის კეთილდღეობის სამსახურში ყოფნას“. განაცხადა ნონა თოლორაიამ.  ნონა თოლორაია ამჟამად  ზუგდიდის საოლქო პროკურორის მოადგილის პოსტს იკავებს.

ღონისძიების განმავლობაში პარტიის წევრები  35 წლის განმავლობაში განხორციელებულ საქმიანობაზე საუბრობდნენ. ასევე მოიგონეს ზუგდიდში პირველი რესპუბლიკელი აბესალომ ტუღუში რომელიც 1992 წლიდან გარდაცვალებამდე პარტიის იდეებს და მიზნებს იზიარებდა. დღეს ზუგდიდის რაიონულ ორგანიზაციაში  ხუთი ახალგაზრდა რესპუბლიკელი გაწევრიანდა.