დეპუტატის მტკიცებით, აღნიშნულ ინიციატივასთან დაკავშირებით უმრავლესობაში აზრი ორად იყო გაყოფილი, თუმცა მისივე თქმით, უმრავლესობის დიდი ნაწილი თვლის, რომ თვითმმართველობის განვითარება ერთიანი მუნიციპალიტეტების ფარგლებშია უმჯობესი.

„რაც შეეხება კონკრეტულად მუნიციპალიტეტების გაერთიანების ნაწილში სამინისტროს წინადადებას, მოგახსენეთ ჩემი პოზიცია. სხვა მხრივ ის ცვლილებები, რომლებიც შემოგვთავაზა სამინისტრომ და მთავრობამ, მართლაც არის საინტერესო და შთამბეჭდავი.გამოწვევები და საჭიროებები სწორად არის დანახული. მოსალოდნელი ცვლილებები ხელს შეუწყობს თვითმმართველობების განვითარებას. მე ვიქნები აქტიურად ჩართული ამ რეფორმაში, ბუნებრივია, ვიღებ უმრავლესობასთან ერთად პასუხიმგებლობას და ვთვლი, რომ სწორი და პოზიტიური ნაბიჯები იქნება გადადგმული“, - აღნიშნა ქვარაიამ.

ცნობისთვის, გარდა ამ ცვლილებისა, კომიტეტის სხდომაზე მხარი ასევე დაუჭირეს რეგიონული განვითარებისა და ინფრასტრუტურის სამინისტროს მიერ წამრმოდგენილ საკითხს ტერმინილოგიური ხასიათის ცვლილებების შესახებ, რომლის თანახმადაც ადგილობრივი თვითმმართველობის კოდექსში ტერმინები „გამგეობა“ და „გამგებელი“ ტერმინებით „მერია“ და „მერი“ იცვლება. ამასთან, მხოლოდ მერის თანამდებობა იარსებებს, რასაც სამინისტროში ამ ორი თანამდებობის ინდენტური ფუნქციით ხსნიან.