საქართველოს მთავარი პროკურორი, არჩილ კბილაშვილი ვლადიმერ ბედუკაძის მიერ ციხის სკანდალური კადრების გავრცელებასთან დაკავშირებით აცხადებს რომ „7-ვე ეპიზოდი, რომელიც ვიდეო- მასალაზეა აღბეჭდილი ცალ -ცალკე ისინი სადღაც 9-დან 15 წლამდე თავისუფლების აღკვეთას ითვალისწინებენ. თქვენ გახსოვთ უახლოეს დრომდე მუშაობდა შეკრებითობის პრინციპი სისხლის სამრთალში და ყველაზე მინიმალური სასჯელიც, რომ შეკრიბო სადღა 60-წელზე მეტი უწევდა ამ კადრების გამომტანს და გამავრცელებს თავისუფლების აღკვეთის სახის“,-ამის შესახებ არჩილ კბილაშვილმა ისაუბრა. მთავარმა პროკურორმა განმარტა, რომ ზედა ზღვარი შეკრებითობის პრინციპით 30 წელიწადს გულისხმობდა, თუმცა ბედუკაძემ თავი ამ სასჯელს მაინც დაუქვემდებარა როდესაც კადრები გამოიტანა. „გასაგებია, რომ იმ დროს 30 წელზე მეტი არ იყო ზედა ზღვარზე შეკრებითობის პრინციპით მაგრამ არც 30 წელიწადია ისეთი დრო რომელიც შეიძლება სათამაშოდ ვინმეს წარმოეჩინა. ამიტომ მან როცა ეს კადრები წარმოადგინა საკუთარი თავი დაუქვემდებარა 30 წლით სასჯელის მოხდას ციხეში“,-განაცხადა კბილაშვილმა.