G-20-ის სამიტზე, რომელიც მექსიკის ქალაქ ლოს-კაბოსში დღეს გაიხსნება, ევროზონის კრიზისი ერთ-ერთი წამყვანი თემა იქნება. ქვეყნის პრეზიდენტის ფილიპე კალდერონის განცხადებით, ფორუმზე სხვა მნიშვნელოვანი საკითხებიც განიხილება, რომლებიც მსოფლიო ეკონომიკას შეეხება.სამიტში მონაწილეთა ყურადღების ცენტრში ეკონომიკური სტაბილიზაციის, სტრუქტურული რეფორმების, ფასების ზრდისა და სამუშაო ადგილების შექმნის პრობლემები მოექცევა.ცნობილია, რომ G-20-ის სამიტის ფარგლებს გარეთ, რუსეთის ახალი პრეზიდენტის არჩევიდან პირველი შეხვედრა გაიმართება ობამასა და პუტინს შორის. მხარეები ე.წ. „მაგნიტსკის კანონს“, ევროპაში ამერიკული რაკეტსაწინააღმდეგო თავდაცვის სისტემის მშენებლობას, სირიის კონფლიქტს, ირანის ბირთვულ პროგრამასა და ავღანეთში არსებულ სიტუაციას განიხილავენ.მექსიკის მთავრობამ უსაფრთხოების განსაკუთრებული ზომები მიიღო: სამიტის წევრთა უსაფრთხოების დასაცავად 4 600-ზე მეტი ჯარისკაცი და პოლიციელია მობილიზებული. განსაკუთრებულად მეთვალყურეობენ იმ სასტუმროებს, სადაც ოფიცილური დელეგაციის წევრები არიან განთავსებულნი.