პრემიერ მინისტრ ბიძინა ივანიშვილის განცხადებით, პრეზიდენტს 80 მილიონ ევროდ შეფასებული ორი ვერტმფრენი ემსახურება. მისი თქმით, ორივე მათგანი მხოლოდ ერთ ადამიანზეა მორგებული. „მოთხოვნილება ასეთი ძვირფასი ვერტმფრენების არ გვაქვს. ცუდი არ  არის, თუ გაქვს საშუალება, მაგრამ ჩვენს ბიუჯეტს თუ შეხედავ და ჩვენს სოციალურად დაუცველებს გაიხსენებთ - ასეთი ვერტმფრენებით სარგებლობა ამორალური იყო მისი მხრიდან“, - განაცხადა ივანიშვილმა. მისი თქმით, მთავრობა „გაცილებით იაფად“ ცდილობს ძველი ვერტმფრენების აღდგენას. „რაც შეეხება ვერტმფრენებს, მათი ჩამოყვანა არ გვინდოდა, მწარმოებელთან დავტოვეთ და იქიდან გვინდოდა რეალიზება, მაგრამ შენახვა ძვირი იყო და ჩამოვიყვანეთ. ვახერხებთ, გაცილებით იაფად და არა 60 ან 80 მილიონად, ის ძველი ვერტმფრენები აღვადგინოთ. რაც სულ რამდენიმე მილიონი დაჯდება და შს სამინისტროს, ასევე თავდაცვის სამინისტროს ჰყავს.