თავდაცვის ყოფილი მინისტრის ბაჩო ახალაიასთვის 7 სპეცრაზმელის საქმეზე გამამართლებელი განაჩინის გამოტანასთან დაკავშირებით, კომენტერები პარლამენტარებმა გააკეთეს. უმრავლესობის წარმომადგენელბი მიიჩნევენ, რომ პროკურატურამ სასამართლოს გადაწვეტილება ზემდგომ ინსტანციაში უნდა გაასაჩივროს. „მიმაჩნია, რომ პროკურატურამ ეს გადაწყვეტილება ზემგდომ ორგანოში უნდა გაასაჩივროს. მე პირადად, ვფიქრობ, რომ პროკურატურას საფუძვლიანი მტკიცებულებები ჰქონდა“, - განაცხადა პარლამეტის თავდაცვისა და უშიშროების კომიტეტის თავმჯდომარემ ირაკლი სესიაშვილმა. ადამიანის უფლებათა დაცვის კომიტეტის თავმჯდომარე ეკა ბესელია ბაჩო ახალაიას მიმართ პოლიტიკურ დევნას გამორიცხავს. „არაერთი მოქალაქის საჩივარია, რომელიც კონკრეტურად უთითებს მძიმე დარღვევებზე. რა პოლიტიკურ მოტივზეა საუბარი, როდესაც საკმაოდ მძიმე გამოკვეთილ კრიმინალურ ქმედებებზეა კონკრეტული ბრალდება აგებული. რაც შეეხება განაჩენს, ეს მოსამართლის გადაწყვეტილებაა. ერთი რამ შემიძლია ვთქვა, რომ პოლიტიკური მოტივი გამორიცხულია“, - განაცხადა ბესელიამ. დეპუტატი გიორგი ცაგარეიშვილი იმედოვნებს, რომ გირგვლიანის საქმის პროცესზე მოსამართლე უფრო ობიექტური იქნება. „ერთი კვირის წინ, სასამართლომ ახლაია ერთ ეპიზოდზე გაამტყუნა, ახლა კი გამართლდა მეორე ეპიზოდში. სანდრო გირგვლიანის საქმესთან დაკავშირებით პროცესი ჯერ კიდევ წინ არის. დაველოდოთ, ნუ დავარღვევთ ადამიანის უდანაშუალობის პრეზუმფციას. პროცესები გრძელდება და უამრავი საქმეა აღძრული არა მარტო ახალაის წინააღმდეგ, არამედ „ნაციონალური მოძრაობის“ სხვა ლიდერების წინააღმდეგაც და ვფიქრობ, რომ ნელ-ნელა ყველა კითხვას პასუხი გაეცემა“,-აღნიშნა ცაგარეიშვილმა. მოსამართლის გადაწყვეტილება შეაფასა დეპუტატმა ზაქარია ქუცნაშვილმაც. „ესენი ცდილობენ საკუთარი კრიმინალური წარსული გაათეთრონ და თავი ფრთიანი ანგელოზებად წარმოაჩინონ, მაგრამ ეს ასე არ არის. სასამართო დღეს თავისუფალია და ჩვენ არ ვახდენთ მასზე ზეწოლას და ეს 1 ოქტომბრის არცევნების მიღწევაა “,- განაცხადა ქუცნაშვილმა. შეფასეები გააკეთეს უმცირესობის წევრებმაც. ნუგზარ წიკლაურის განცხადებით, გამამართებელმა განაჩენმა დაადასტრურა, რომ ახალაიას წიანაღმდეგ წაყენებული ბრალი პოლიტიკურ შინაარს ატარებდა. „მინდა, ღრმა პატივისცემა გამოვხატო ქართული სასამართლოს ამ გადაწყვეტილების მიმართ, იმიტომ რომ, ის მიღებულია იმ ფონზე, როდესაც ხელსუფლების წარმომადგენელები საკუთარი პოლიტიკური პოზიციის საჯარო დეკლარირებას არ ერიდებოდნენ“, - აღნიშნა წიკლაურმა.