კბილაშვილის განცვხდებით ირაკლი ღარიბაშვილთან ღირსეული და კოლეგიალური ურთიერთობა ჰქონდა. "მინდა ვთქვა, რომ არავითარი უთანხმოება ჩემსა და მომავალ პრემიერ-მინიტრ ირაკლი ღარიბაშვილს შორის არ არსებობს. ჩვენ ერთმანეთის გვერდით მოგვიწია მუშაობა ერთი წლის განმავლობაში. ღირსეული და კოლეგიური ურთიერთობა ჩამოგვიყალიბდა. არაერთი დღე და ღამე გაგვიტარებია ერთად დანაშაულთან ბრძოლისთვისთვის. ირაკლი ღირსებითა და წესიერებით სავსე ადამიანია. ჩვენ გვაქვს განსხვავებული შეხედულებები პრიორიტეტებთან და სამართალდაცვით სფეროში გასატარებელ რეფორმებთან დაკავშირებით", - განაცხადა კბილაშვილმა. არჩილ კბილაშვილმა ირაკლი ღარიბაშვილს წარმატებები უსურვა. "პროკურატურაში გატარებული ერთი წელი მრავლის შემცველი იყო. ივანიშვილს წყალობით საშუალება მომეცა, პირველად მემსახურა სახელმწიფო სამსახურში ესოდენ მაღალ თანამდებობაზე", - აღნიშნა კბილაშვილმა. არჩილ კიბილაშვილმა დღეს თანამდებობიდან გადადგომის შესახებ განაცხადა და აღნიშნა, რომ სამოქალაქო სექტორში გააგრძელებს მუშაობას.