თორნიკე შარაშენიძის აზრით, მიხეილ სააკაშვილის დაკავება პოლიტიკურ ვითარებას გაართულებს. როგორც ექსპერტმა განაცხადა, ყოფილი პრეზიდენტის გასამართლების ალბათობა ამ ეტაპზე მცირეა. "პრეზიდენტის გასამართლება იოლი საკითხი არ არის. ამ ეტაპზე ამის ალბათობა მცირეა. ეს რთული იქნება სამართლებრივადაც. აღნიშნული საკითხი პოლიტიკურ ვითარებას კიდევ უფრო გაართულებს. ამით გაურთულდება ურთიერთობა საქართველოს უცხოელ პარტნიორებთანაც", - განაცხადა შარაშენიძემ. მისივე თქმით, სააკაშვილი დროებით საზვარგარეთ ყოფნას ამჯობინებს, რომ იქ პოზიციები გაიუმჯობესოს, შემდეგ კი საქართველოში დაბრუნდება. "სააკაშვილის ინტერესებში შედის დიდხანს გაჩერდეს უცხოეთში, შესაძლოა, ის იქ დაკავდეს ლექციების კითხვით უნივერსიტეტებში. ის ფიქრობს, რომ რაღაც პერიოდის მანძილზე იყოს უცხოეთში, შემდეგ კი ხალხის ვნებათაღელვის დასრულების შემდგომ, აქტიურ პოლიტიკაში დაბრუნდება", - აცხადებს შარაშენიძე.