მომწამვლელი ნივთიერებების განსაკუთრებულად საშიში სახეობები სირიიდან 2013 წლის 31 დეკემბრამდე უნდა გაიტანონ. აშშ–ის ადმინისტრაცია სირიის ქიმიური იარაღის ტოქსიკური კომპონენტების საერთაშორისო წყლებში, დამხმარე სამხედრო ხომალდ Cape Ray–ზე განადგურების შესაძლებლობას განიხილავს. ამერიკის ხელისუფლების წარმომადგენელთა მიერ აღნიშნული გეგმა იმასთან დაკავშირებით შემუშავდა, რომ ხმელეთზე ქიმიური იარაღის განადგურება მრავალ, მათ შორის დიპლომატიურ და ეკოლოგიურ პრობლემასთანაა დაკავშირებული. იმ შემთხვევაში, თუ ქიმიური იარაღის ამკრძალველმა ორგანიზაციამ ამ იდეას მხარი დაუჭირა, პორტსმუტში, ვირჯინიის შტატში მყოფი 213- მეტრიანი გემი Cape Ray, მომწამვლელი ნივთიერებების უსაფრთხო დონემდე განეიტრალებისათვის საჭირო სპეციალური სისტემით აღიჭურვება. სავრაუდოდ, მას შემდეგ, რაც მათ ჰიდროლიზის ზემოქმედების ქვეშ მოაქცევენ, ხომალდზე 7,7მილიონი ლიტრი ქიმიური ნარჩენი დარჩება, რომელსაც 4000 კონტეინერში შეფუთავენ – შემდეგი მათი განადგურება, სპეციალისტების მტიცებით, სირთულეს არ წარმოადგენს. კონტეინერები და სხვა შესაფუთი მასალები ლიბანის გავლით უკვე გაიგზავნა სირიაში. ორიოდე კვირის შემდეგ სირიის არმია ხმელთაშუა ზღვის სანაპიროზე მდებარე, ქვეყნის ერთ–ერთ ერთ პორტში მომწამვლელი ნივთიერებების ტრანსპორტირებას შეძლებს. მათი საერთო მოცულობა 200 სტანდარტულ საზღვაო კონტეინერს აღემატება.