დღეს ბრიუსელში, ევროკავშირის ქვეყნების საგარეო საქმეთა მინისტრები „აღმოსავლეთ პარტნიორობის“ – სა და უკრაინის საკითხს განიხილავენ. საბჭოს, ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ქეთრინ ეშტონი გაუძღვება. კვირას, შტეფან ფიულემ, ევროკომისარმა გაფართოებისა და სამეზობლო პოლიტიკის საკითხებში განაცხადა, რომ უკრაინის ხელისუფლების პოზიციის გამო, ევროკავშირი აპირებს შეაჩეროს უკრაინასა და ევროკავშირს შორის ასოცირების შეთანხმების მომზადება. თუმცა, უკრაინის პრემიერის, ნიკოლაი აზაროვის პრეს – მდივანმა, ვიტალი ლუკიანენკომ განაცხადა, რომ კიევს განზრახული აქვს განაგრძოს ევროკავშირთან მოლაპარაკებები. ასევე, მან აღნიშნა, რომ კიევი მოლაპარაკებების პროცესთან დაკავშირებულ, ევროკავშირის წარმომადგენლების მხოლოდ ოფიციალურ განცხადებებს განიხილავს.