უკრაინის შინაგან საქმეთა მინისტრის მოვალეობის შემსრულებელმა არსენ ავაკოვმა შსს–ს სპეციალური ქვედანაყოფის „ბერკუტი“–ს ლიკვიდირება მოახდინა. „ბერკუტი“ ძირითადად მასობრივი საპროტესტო აქციების დაშლასთან დაკავშირებულ ამოცანებს ასრულებდა. მანამდე ქვედანაყოფის დაშლას უკრაინის უმაღლესი რადას ფრაქცია „თავისუფლების“ დეპუტატები ითხოვდნენ. შესაბამისი კანონპროექტი 23 თებერვალს დარეგისტრირდა. არსენ ავაკომა, თავის Facebook გვერდზე დაწერა რომ 2014 წლის 25 თებერვალს „ბერკუტი“–ს დაშლის შესახებ #144 ბრძანებას მოაწერა ხელი. მან პირობა დადო, რომ დეტალებზე 26 თებერვლის ბრიფინგზე ისაუბრებს.