კანადის პრემიერ - მინისტრმა, სტივენ ხარპერმა განაცხადა, რომ არ ცნობს ყირიმის რეფერენდუმის შედეგებს და კიდევ ერთხელ გააფრთხილა რუსეთი მოსალოდნელი სანქციების სესახებ. ანალოგიური განცხადება, იაპონის მთავრობამ გაკეთა. სააგნეტო კიადოს ცნობით, იაპონიის ხელისუფლება არ აპირებს ცნოს ყირიმის რეფერენდუმის შედეგები, რომლებსაც ის უკანონოდ მიიჩნევს და მოუწოდებს მოსკოვს, პატივი სცეს უკრაინის სუვერენიტეტსა და მთლიანობას. მანამდე ყირიმის კენჭისრა თეთრ სახლშიც დაგმეს , ამასთან განაცხადეს, რომ რუსეთი პასუხს აგებს რეგიონში სამხედრო ჩარევის გამო. რეფერენდუმს ასევე არ ცნობენ დიდი ბრიტანეთი და საფრანგეთი. ჩინეთმა უფრო თავშეკავებული განცხადებები გააკეთა რეფერენდუმთან დაკავშირებით. ერთის მხრივ, ის ტრადიციულად მხარს უჭერს თავისი ძველი მოკავშირის, რუსეთის გადაწყვეტილებებს, მეორეს მხრივ, ყირიმის უკრიანის შემადგენლობიდან გამოსვლა გაამწვავებს პეკინის ურთიერთობას საკუთარ რეგიონებთან, რომლებიც ავტონომიას ითხოვენ. უკანასკნელი მონაცემებით, ყირიმის რუსეთთან მიერთებას საარჩევნო უბნების 75% -ზე ამომრჩეველთა 95,7%-მა მისცა ხმა.