აშშ– ის საიდმულო სამსახურის სამი აგენტი, რომელიც ამერიკელი პრეზიდენტის ბარაქ ობამას დაცვას უზრუნველყოფდა, დისციპლინის დარღვევისათვის ნიდერლანდებიდან აშშ–ში დააბრუნეს. ერთ–ერთ მათგანს, რომელიც არაფხიზელ მდგომარეობაში იმყოფებოდა, ამსტერდამის სასტუმროში გული წაუვიდა. დანარჩენი ორი – ადმინისტრაციულ შვებულებაში მომხდარის გარემოებების გარკვევამდე გაათავისუფლეს, რადგან მათ ვერ შეძლეს დისციპლინის დარღვევის აღკვეთა. ობამა ამსტერდამში ორშაბათს, ბირთვული უსაფრთხოების სამიტში მონაწილეობის მისაღებად და „დიდი შვიდეული“– ის ქვეყნების მეთაურებთან შესახვედრად ჩავიდა. აშშ–ის საიდუმლო სამსახური ცდილობს თავისი რეპუტაცია აღადგინოს მანამდე მომხდარი სკანდალების შემდეგ. 2012 წელს, პოლიციამ მაიმიში საიდუმლო სამსახურის აგენტი დააკავა, რომელიც ქალაქის ერთ –ერთი ქუჩის კუთხეში უგონოდ ეგდო , სავარაუდოდ, ალკოჰოლური სასმელის მიღების შედეგად. იმავე წლის აპრილში საიდუმლო სამსახურის რამდენიმე მუშაკი პროსტიტუციასთან დაკავშირებულ სკანდალში გაეხვა.