დაუზუსტებელი ინფორმაციით, 4 ადამიანი მოკლულია და 16 დაიჭრა, ამერიკულ სამხედრო ბაზა ფორტ–ჰუდის ტერიტორიაზე, ტეხასის შტატში. ერთ–ერთმა სამხედრო მოსამსახურემ ცეცხლი გახსნა, რის შემდეგ თავი მოიკლა. როგორც მოგვიანებით გაირკვა, ეს არ იყო მისი სატაბელო იარაღი და მან ის ბაზაზე მალულად შეიტანა. დამნაშავის ვინაობა არ სახელდება, ცნობილია, რომ ის დაოჯახებულია, ერაყში ომობდა და ფსიქიური აშლილობისგან მკურნალობდა. თუმცა ,ზოგიერთი ამერიკული მედიასშუალება წერს, რომ ეს 34 წლის რიგითი აივან ლოპესი იყო. პრეზიდენტმა ბარაქ ობამამ განაცახადა, რომ მომხდარმა „მას გული გაუტეხა“ და საქმის ბოლომდე გამოძიების პირობა დადო. ფორტ–ჰუდის ბაზის პრეს–მდივანმა, გენერალ–ლეიტენანტმა მარკ მილიმ განაცხადა, რომ ჯერჯერობით, არაფერი მიუთითებს ტერორსიტულ აქტზე, თუმცა ეს ვერსია არ გამოირიცხება. შეგახსენებთ: 2009 წელს, ფორტ–ჰუდის ბაზაზე, ამრიკელმა ფსიქიატრმა 13 ადამიანი დაცხრილა.