ყველაზე ნაკლები - 38 ადამიანი შეეწირა ფილიპინებზე მოსულ მძლავრ ტაიფუნ „რამასუნს ", კიდევ 8 ადამიანი დაკარგულად ითვლება. გაფრთხილების მიუხედავად, ბევრმა ფილიპინელმა სტიქიის შემოტევისას სახლებს არ შეაფარა თავი და გარეთ იმყოფებოდა. მილიონობით ადამიანი ელექტროენერგიის გარეშეა დარჩენილი. მილიონზე მეტი ადამიანის ევაკუირება და სპეციალურ ცენტრებში გადანაწილება მოხერხდა. ძლიერი ტალღების გამო გაწყვეტილია კავშირი არქიპელაგის კუნძულებს შორის. აეროპორტებში რამდენიმე ავიარეისი გადაიდო. . ტაიფუნი "რამასუნი", რომელიც ფილიპინებს დაატყდა, ქვეყანაში 2014 წელს მომხდარი პირველი მასშტაბური სტიქიური უბედურებაა. . გასულ წელს ფილიპინებს, ამ ბუნებრივ მოვლენაზე დაკვირვების ისტორიაში, ყველაზე ძლიერი ტაიფუნი " ხაიანი" დაატყდა. ოფიციალური მონაცემებით, დაღუპულთა რიცხვმა მაშინ 6 ათას ადამიანს გადააჭარბა, 1800 ადამიანი აქამდე უგზო-უკვლოდ დაკარგულად ითვლება.