სამხერთ კორეამ, ჩრდილოეთ კორეის ქმედებების საპასუხოდ, ზღვაში რაკეტსაწინააღმდეგო თავდაცვის სისტემით აღჭურვილი ორი სარაკეტო გემი გაიყვანა. კორეის რესპუბლიკის თავდაცვის სამინისტროს განცხადებით, მრავალფუნქციური საომარი სისტემებით „იჯის“-ით  აღჭურვილი, ორი სარაკეტო გემი, ქვეყნის აღმოსავლეთ და დასავლეთ სანაპიროზე განლაგდება და სიტუაციას დააკვირდება. სეული აცხადებს, რომ  ჩრდილოეთ კორეის მიერ რაკეტების განთავსების შესახებ ინფორმაციას განსაკუთრებულ მნიშვნელობას არ ანიჭებს, რადგან თვლის, რომ საუბარია ცდებზე და არა მტრულ ქმედებებზე. დღეს გავრცელებული დაუდასტურებელი ინფორმაციით, ჩრდილოეთ კორეამ ორი სარაკეტო დანადგარი აღმოსავლეთ სანაპიროზე განათავსა, სადაც სარაკეტო საცდელი პოლიგონი ტონხეა განლაგებული . საუბარია საშუალო რადიუსის მოქმედების რაკეტებზე „მუსუდან“, რომლებსაც შეუძლიათ მიაღწიონ კუნძულ გუამ-ს, სადაც აშშ-ს სამხედრო - საზღვაო ბაზა მდებარეობს.