ფილიპინების სანაპირო დაცვის ინფორმაციით, ქალაქ სებუს მახლობლად, სამგზავრო ბორნისა და სატვირთო გემის შეჯახების შედეგად 52 ადამიანი დაიღუპა. შეჯახება პარასკევს საღამოს, სანაპიროდან 2 კილომეტრში მოხდა. ბორანზე „ფომა აკვინსკი“ 715 მგზავრი და ეკიპაჟის 116 წევრი იმყოფებოდა. სანაპიროს დაცვის, სამხედრო ხომალდებისა და ადგილობრივი მეზღვაურების დახმარებით, 600–ზე მეტი ადამიანი გადაარჩინეს. აქამდე უგზო – უკვლოდ დაკარგულად 70 ადამიანი ითვლება. სამძებრო –სამაშველო ოპერაციისს ჩატარებას ხელს ცუდი ამინდი და აღელვებული ზღვა აფერხებენ.