ჰიჯაბებში გამოწყობიოლმა ასობით შვედმა ქალმა ინტერნეტში ფოტოები გამოაქვეყნა. ამ გზით, სხვადასხვა სარწმუნოების ქალებმა სტოკჰოლმში ჰიჯაბის ტარების გამო ნაცემი ორსული მუსულმანი ქალის მიმართ გამოხატეს სოლიდარობა. ინტერნეტ–კამპანიაში, რომელსაც "პროტესტი ჰიჯაბში„ უწოდეს, დეპუტატები რიკსადა ოსა რომსონი, ვერონიკა პალმი და ცნობილი შვედი ტელეწამყვანი ჯინა დირავი მონაწილეობენ. შვედური გაზეთების ინფორმაციით, ინცინდენტი გასულ პარსკევს, გვიან საღამოს ემგრანტებით მჭიდროდ დასახლებულ, ფარსტის შემოგარენში მოხდა. უცნობი მამაკაცი, შეურაცმყოფელი რასისტული შეძახილებით, თავს დაესხა ქალს, ჩამოგლიჯა თავსაფარი და პარკირებულ მანქანას თავით მიახეთქა. დაზარალებული საავადმყოფოში მიიყვანეს, მას ტვინის შერყევა დაუდგინდა. "მას ჰიჯაბი ეცვა და ის ვარაუდობს, რომ სწორედ მისი სარწმუნოების გამო დაესხნენ თავს", - პოლიციის წარმომდგენლის სიტყვებზე დაყრდნობით წერს საინფორმაციო სააგენტო ТТ.