დღეს უნდა გაირკვეს საბოლოოდ სად და როგორ გაიყიდება სუპერთასის ბილეთები. პრობლემის მოსაგვარებლად უეფასა და საქართველოს ფეხბურთის ფედერაციის მიერ biletebi.ge-სთვის მიცემული 48 საათიანი ვადა საღამოს 17:30 იწურება.  კომპანიაში ამბობენ,  რომ სპეციალისტები ტექნიკური ხარვეზის გამოსწორებაზე ამ დრომდე მუშაობენ.

იმ შემთხვევაში თუ biletebi.ge ტექნიკური პრობლემას ვერ აღმოფხვრის, ამოქმედდება ალტერნატიული გეგმა. ფეხბურთის ფედერაციაში არ გამორიცხავენ, რომ ბილეთები სალაროებშიც გაიყიდოს, ასეთ შემთხვევაში კი გამოყოფილი ბილეთების რაოდენობის მინიმუმ 80 % ქართველი გულშემატკივრებისთვის იქნება განკუთვნილი.