გასული დღე-ღამის განმავლობაში აფხაზეთში კორონავირუსზე ტესტირება 417 ადამიანს ჩაუტარდა და გამოვლინდა ინფიცირების 133 ახალი შემთხვევა. ინფორმაციას ოპერატიული შტაბი ავრცელებს. ამავე ცნობით, კორონავირუსით კიდევ 2 პაციენტი გარდაიცვალა. 59 წლის მამაკაცი და 81 წლის ქალი. პაციენტები გუდაუთის საავადმყოფოში იყვნენ გადიოდნენ მკურნალობის კურსს.

ამ ეტაპზე გუდაუთის კოვიდკლინიკაში 92 ინფიცირებული გადის მკურნალობის კურსს, მათგან 19-ის მდგომარეობა მძიმეა, სოხუმის ინფექციურ საავადმყოფოში 33 პაციენტია მოთავსებული, მათგან მძიმედაა 7, ოჩამჩირის ცენტრალურ საავადმყოფოში - 24, გაგრის კლინიკაში – 20, მათგან 8 - მძიმე მდგომარეობაშია, ხოლო ტყვარჩელში 12, რუსულ სამხედრო საველე ჰოსპიტალში კი 69 პაციენტი იმყოფება, მათგან 6 მძიმე მდგომარეობაა.

პანდემიის დაწყებიდან დღემდე, აფხაზეთში კორონავირუსის 24952 შემთხვევა აღირიცხა, გარდაიცვალა - 372, გამოჯანმრთელდა 20 766 მოქალაქე.