დადიანების მუზეუმის დედოფლისეული სასახლის შიდა ეზოში გაიხსნა გამოფენა, ,,მეგრელთა საცხოვრისი“, რომელმაც გააცოცხლა სამეგრელოს ეთნოგრაფიული ყოფის ისტორია, ასევე დედოფლისეული სასახლის შიდა ეზოში ლაპიდარიუმი ამოქმედდა. მუდმივმოქმედ ექსპოზიციაში ძველი სამეგრელოს არქიტექტურის ისტორიისათვის მნიშვნელოვანი არაერთი ძეგლი გამოიფინა,  რომლის ნახვაც ერთი თვის განმავლობაში შეუძლია დამთვალიერებელს.

გამოფენების შესახებ საუბრობენ დადიანების სასახლეთა ისტორიულ-არქიტექტურული მუზეუმის საგანმანათლებლო პროექტების კურატორი, ფილოლოგიის დოქტორი ნანა აბულაძე და დადიანების სასახლეთა ისტორიულ-არქიტექტურული მუზეუმის საგანმანათლებლო პროექტების კურატორი სოფიო კობახიძე. რადიო ,,ათინათის'' და ზუგდიდის ისტორიულ - არქიტექტურული მუზუმის ერთობლივი გადაცემა ,,დადიანების სასახლეთა საგანძური''.