იუსტიციის უმაღლესი საბჭოს გადაწყვეტილებით, სასამართლო სისტემაში კიდევ 8 მოსამართლე უვადოდ განმწესდა. კენჭისყრის პროცედურა იუსტიციის უმაღლეს საბჭოში დღეს გაიმართა. რვა მოსამართლეს შორის ზუგდიდის რაიონულ სასამართლოში, უვადოდ, 12 ხმით, 2-ის წინააღმდეგ ნატრული აკობია დაინიშნა.

კენჭისყრა გაიარეს იმ მოსამართლეებმა, რომლებსაც სამ წელზე მეტი გამოცდილება აქვთ და სამწლიანი გამოსაცდელი ვადით იმყოფებოდნენ თანამდებობაზე.

უვადოდ გამწესდნენ, შემდეგი მოსამართლეები; 

ეკა არეშიძე - 14 ხმით თბილისის საქალაქოს სასამართლოში;

გია ბერაია - ახალციხის რაიონულ სასამართლოში, 12 ხმით 2-ის წინააღმდეგ;

ლერი თედორაძე- 13 ხმა ერთის წინააღმდეგ ქუთაისის საქალაქო სასამართლოში;

ინდირა მაშანეიშვილი- 12 ხმა 2- ის წინააღმდეგ ბათუმის საქალაქო სასამართლოში; 

სალიხ შაინიძემ -12 ხმა 2-ის წინააღმდეგ ბათუმის საქალაქო სასამართლოში;

ნატო ხუჯაძემ მიიღო - 12 ხმა 2-ის წინააღმდეგ თბილისის საქალაქო სასამართლოში;

მერაბ ჯორბენაძე- 13 ხმა 1-ის წინააღმდეგ თბილისის საქალაქო სასამართლოში; 

იუსტიციის უმაღლეს საბჭოს უვადოდ განწესების თხოვნით, 48 მოსამართლემ მიმართა. თუმცა იქიდან გამომდინარე, რომ ჩამოთვლილი რვა მოსამართლის გარდა, სხვებს უფლებამოსილება 2020 წელს ეწურებათ, საბჭო მათთან გასაუბრებას და შესაბამისად, კენჭისყრას მოგვიანებით ჩანიშნავს.