კლინიკა „მედი“-მ 20 წლის იუბილე აღნიშნა, რომელიც შეკვეთილში, ახლად გახსნილ კურორტ „მაგნიკა“-ში გაიმართა. კურორტი „მაგნიაკა“ საერთაშორისო კლინიკათა ქსელი „მედიესტიკი“-ს დამფუძნებლების, მარინა და გიორგი მჭედლიძეების მორიგი წარმატებული პროექტია, რომელიც კაპროვანი-შეკვეთილის სარეკრეაციო ტერიტორიაზე სულ რაღაც ერთი თვის წინ გაიხსნა.

შავი ზღვის სანაპიროს საუკეთესო ლოკაციაზე მდებარე ხუთ ვარსკვლავიანი სასტუმრო 42 თანამედროვე, მაღალი სტანდარტების ნომრებითა და 35 მეტრიანი საცურაო აუზით საუკეთესო გამაჯანსაღებელი და დასასვენებელი ადგილია. გარდა ამისა, კურორტის ტერიტორია გათვლილია ულამაზესი ღონისძიებების დასაგეგმად და რაღა თქმა უნდა კლინიკა „მედი“-ს უმნიშვნელოვანესი თარიღი, 20 წლის იუბილე, სწორედ ამ არაჩვეულებრივ ადგილას გაიმართა.

იუბილეს ესწრებოდნენ როგორც საქართველოს, ასევე პრაღისა და პეტერბურგის კლინიკათა ქსელი „მედიესთეტიკის“ წარმომადგენლები. საღამო გახსნილად გამოაცხადეს კლინიკის დამფუძნებლებმა მარინა და გიორგი მჭედლიძეებმა და მადლობა გადაუხადეს თითოეულ თანამშრომელს პროფესიონალიზმისთთვის, ერთგულებისთვის და თავდაუზოგავი შრომისთვის, რაც მათი თქმით კლინიკის წარმატების უმთავრესი მიზეზია. საღამო დაჯილდოების ცერემონიით გაგრძელდა, სადაც სხვადასხვა ნიშნით გამორჩეულ ექიმებს კლინიკა მედის გენერალურმა დირექტორმა, ლია სონიშვილმა ჯილდოები გადასცა.

მოწვეულ სტუმრებს შესაძლებლობა ჰქონდათ ენახათ სპეცილურად ამ დღისთვის გადაღებული მოკლემეტრაჟიანი ფილმი - „20 წელი ლიდერულ პოზიციაზე“. ფილმში ნაჩვენები იყო საერთაშორისო კლინიკათა ქსელის წარმატების გზა, რომელმაც 20 წლიანი ისტორია შექმნა. ფილმის ჩვენების შემდეგ მომღერალმა ნოდიკო ტატიშვილმა სპეციალურად კლინიკა მედისთვის შქმნილი ჰიმნი შეასრულა.

საღამო მუსიკალური პროგრამით გაგრძელდა რომელშიც მონაწილეობდნენ: ნოდიკო ტატიშვილი, არა ერთი კონკურსის გამარჯვებული ჩეხი მომღერალი ლადისლავ ბუბნარი, ქართული ხალხური ქორეოგრაფიული ანსამბლი და სხვები. საღამო ულამაზესი ტორტის გაჭრით და დაუვიწყარი ფოერვერკით დასრულდა.

კლინიკა „მედი“ საქართველოში ყველაზე დიდი ესთეტიკური მედიცინისა და ჯანმრთელობის ცენტრია, კლინიკების ფართო ქსელით, მაღალკვალიფიციური სამედიცინო პერსონალით და ულტრათანამედროვე აპარატურით. 20 წლის განმავლობაში, მუდმივად ლიდერულ პოზიციაზე, კლინიკა მედი დღეს საქართველოს მასშტაბით 20 ფილიალით არის წარმოდგენილი. აქედან ერთი სათაო კლინიკა თბილისში, კოსტავას 52 ნომერში, 10 ფილიალი თბილისის სხვადასხვა უბნებში და 9 ფილიალი საქართველოს დიდ რეგიონებში (რუსთავი, გორი, ბათუმი, ზუგდიდი, თელავი, ქუთაისი, ფოთი, ხაშური და ახალციხე). კლინიკის ყველა ფილიალში წარმოდგენილია თანამედროვე ტექნოლოგიები, რაც ესთეტიკური მედიცინის სფეროში უახლესი მეთოდების გამოყენების საშუალებას იძლევა.
კლინიკაში წარმოდგენილია ესტეტიკური მედიცინისა და ჯანმრთელობის სრული სპექტრი:

• კოსმეტოლოგია
• პლასტიკური ქირურგია
• სტომატოლოგია
• ესთეტიური გინეკოლოგია
• სარეაბილიტაციო ცენტრი (ფიტნეს დარბაზი, აკვა აერობიკა, სპა ცენტრი)