ინფრასტრუქტურის მშენებელთა ასოციაცია, კომპანია “ელემენტ ჰოლდინგისა” და USAID-ის ეკონომიკური მმართველობის პროგრამის მხარდაჭერით, ახალი სამშენებლო ნორმების, ევროკოდების დანერგვის პროცესის ხელშეწყობის მიზნით, საინფორმაციო სემინარებს გამართავს.

პირველი ასეთი სემინარი, 4 ივლისს, 15 საათზე, ზუგდიდში, სასტუმრო ლეთოს საკონფერენციო დარბაზში გაიმართება. სემინარს დარგის ექსპერტები გაუძღვებიან. შეხვედრების ფარგლებში, დამსწრეები ევროკოდების ძირითადი ასპექტებისა და მიმდინარე რეფორმის შესახებ ზოგად ინფორმაციას მიიღებენ.

აღნიშნული თემა ძალიან მნიშვნელოვანია ნებისმიერი მშენებელი კომპანიისათვის და მასში დასაქმებული შესაბამისი პასუხისმგებლობის მქონე კადრისათვის. სემინარზე მიღებული ინფორმაცია დაეხმარება სამშენებლო სექტორში დასაქმებულ პირებს: როგორც სამშენებლო კომპანიების წარმომადგენლებს, ისე - მუნიციპალიტეტებში შესაბამისი პასუხისმგებლობის მქონე დასაქმებულებს, რომ რეფორმის შედეგად არსებულ რეალობაში, უკვე მოქმედი სავალდებულო ევროკოდების ფარგლებში, შესაძლებელი გახდეს ახალი სტანდარტების შესაბამისი მშენებლობის პროცესის წარმართვა.

თემით დაინტერესებულ პირებს შესაძლებლობა აქვთ, დარეგისტრირდნენ ბმულის საშუალებით.

დასწრება თავისუფალია.

საინფორმაციო სემინარები გაიმართება ასევე 5 ივლისს, ბათუმში, ხოლო 8 ივლისს - თბილისში.