რუსეთის მოსახლეობის ნახევარი აფხაზეთისა და სამხრეთ ოსეთს დამოუკიდებელ სახელმწიფოებად მიიჩნევს. რუსულმა არასამთავრობო ორგანიზაციამ „ლევადა ცენტრმა“, 21 სექტემბერს, აფხაზეთისა და ცხინვალის სტატუსის შესახებ რუსეთში ჩატარებული კვლევის შედეგები გამოაქვეყნა. გამოკითხვის თანახმად, რუსეთის მოსახლეობის ნახევარი აფხაზეთს (49%) და სამხრთ ოსეთსა (47%) დამოუკიდებელ სახელმწიფოებად თვლის, კიდევ ერთი ნახევარი მათ რესპუბლიკებად მიიჩნევს. სამხრეთ ოსეთს და აფხაზეთს საქართველოს ნაწილად 10% და 9% მიიჩნევს. 21% თვლის, რომ სამხრეთ ოსეთი რუსეთის ნაწილია, 20% კი აფხაზეთს მიიჩნევს რუსეთის ნაწილად. „ლევადას ცენტრის“ მონაცემებითვე, 2004 წელს რუსეთში გამოკითხულთა 27% მიიჩნევდა, რომ აფხაზეთი საქართველოს ნაწილია. 2014 წლის მონაცემების მიხედვით, გამოკითხულთა უფრო დიდი ნაწილი, 58% მიიჩნევდა, რომ აფხაზეთი დამოუკიდებელი სახელმწიფო იყო.

ცენტრის მონაცემებით, გამოკითხვა 2015 წლის 21-24 აგვისტოს რეპრეზენტატული შერჩევით (800 ადამიანი) რუსეთის ქალაქებსა და სოფლებში ჩატარდა.