ზუგდიდის მუნიციპალიტეტის საკრებულოს სხდომას დღეს ედიშერ თოლორაია ესწრებოდა. ყოფილმა გამგებლმა სხდომის თავმჯდომარეს ლაშა გოგიას და თითოეულ წევრს მადლობა გადაუხადა თანამშრომლობასა და მხარდაჭერისთვის.

მან ასევე აღნიშნა, რომ თავი არასოდეს დაუზოგავს რეგიონში დაგეგმილი პროექტების განსახორციელებლად და მომავალშიც მზადყოფნა გამოთქვა, ზუგდიდის კეთილდღეობისთვის საკუთარი წვლილი შეიტანოს. თოლორაიამ, სხდომის წევრებისგან მისი გამგებლობის ბოლო ოთხი წლის შეფასება და შენიშვნები მოისმინა.

განმუხურის რწმუნებულმა ემზარ ახალაიამ გამგებლისთვის ტაშის დაკვრის სურვილი გამოთქვა, თუმცა, როგორც მან განაცხდა, ედიშერ თოლორაიას გამგებლობის დროს სოფელში არაფერი გაკეთებულა და ტაშის დასაკრავიც არაფერია.

„დარჩელი-განმუხურის დამაკავშირებელი ხიდი ავარიულ მდგომარეობაშია. ცენტრალურ გზაზე საუბარი ზედმეტია, შიდა გზები დანგრეულია, კანალიზაციის მილები ლპება, სტადიონზე საუბარი ზედმეტია და გაზიფიკაციაც შეწყდა,“-  აღნიშნა მან.

შენიშვნის საპასუხოდ კი თოლორაიამ განმუხურის გამგებელს შეახსენა , რომ ამ წლების განმავლობაში კომუნიკაციაზე ის არ გამოსულა და აღნიშნული პრობლემების თაობაზე მასთან არ უსაუბრია. ასევე აღნიშნა რომ, ტენდერი დარჩელი- განმუხურის ხუთ კილომეტრიანი გზის რეაბილიტაციისთვის უკვე გამოცხადებულია. 

"რაც შეეხება ხიდს თანხა გადმორიცხულია და მისი რეაბილიტაცია გეგმის მიხედვით 2017 წლის თებერვალში დაიწყება, გაზიფიკაცია- კი სექტემბრის ბოლოს". 

სხდომის დანარჩენმა წევრებმა გამგებლის მოღვაწეობის ოთხი წელი დადებითად შეაფასეს და წარმატებები უსურვეს.