დე ფაქტო აფხაზეთის „სახელმწიფო ავტოინსპექციის (გაის)“ თანამშრომლებთან ერთად ბოლო დროს, საგუშაგოებზე კომუფლირებულ ფორმებში ჩაცმული, ნიღბიანი ადამიანები გამოჩნდნენ.

აფხაზური მედიის ინფორმაციით, ამასთან დაკავშირებით, დღეს „შსს - ს ოფიციალურ ვებ - გვერდზე გამოქვეყნდა განცხადება, რომ საზოგადოებრივი წესრიგის დაცვისა და უსაფრთხოების უზრუნველყოფის მიზნით, შსს- ს ცენტრალური აპარატი და სახელმწიფო ავტოინსპექცია, ერთობლივად ახორციელებენ რეიდებსა და პროფილაქტიკურ ღონისძიებებს“.

მანამდე, ინფორმაცია აფხაზეთის ქუჩებში ნიღბიანების გამოჩენასთან დაკავშირებით, ბლოგმა „სოხუმი ინფო“ გაავრცელა. ავტორი წერდა: „მიუხედავად იმისა, რომ ნიღბიანები ხელს არავის უშლიან, მათ გამოჩენას აფხაზეთში ერთი კვირის შემდეგ დაგეგმილ, სახალხო თავშეყრას უკავშირებენ, რომელზეც, შესაძლოა, ხაჯიმბას იმპიჩმენტის საკითხი დაისვას“.