რეგიონი
საჯარო მოხელე: ჩხოროწყუს გამგებელმა „რუსთავი 2“-ის აქციაზე ყოფნის შემდეგ დამითხოვა
აიპ "ფეხბურთის ცენტრის" ყოფილი მწვრთნელი ჩხოროწყუს გამგებელს დავით გოგუას სამსახურიდან პოლიტიკური ნიშნით გათავისუფლებაში ადანაშაულებს და მის წინააღმდეგ სამართლებრივ დავას აპირებს, - ამის შესახებ ვარლამ სიჭინავამ ენმ-ის ზუგდიდის ოფისში დღეს გამართულ ბრიფინგზე განაცხადა.

მისი განმარტებით, დავით გოგუამ რამდენიმე დღის წინ „ერთიანი ნაციონალური მოძრაობის“ დატოვება და „ქართულ ოცნებაში“ გადასვლა შესთავაზა, სანაცვლოდ კი ბავშთა ლიგის გაკეთება და 40 000 ლარით დაფინანსებას დაჰპირდა, თუმცა სიჭინავას „რუსთავი 2“-ის მხარდამჭერ აქციაზე ყოფნის შემდეგ იგი დაკავებული თანამდებობიდან გაათავისუფლეს.

გოგუამ შემომთავაზა, რომ თვითმმართველობის არჩევნებში მის გვერდით დავმდგარიყავი. მე მას ვუთხარი, რომ მსგავს გადაწყვეტილებას ვერ მივიღებდი და მოსაფიქრებლად 10 დღე მომცა. შემდეგ მე „რუსთავი 2“-ის აქციაზე ვიყავი, იქედან დაბრუნებულს კი მითხრა, რომ გაშვებული ვიყავი სამსახურიდან“, - თქვა სიჭინავამ.

პოლიტიკურ მოტივს უკავშირებს სიჭინავას გათავისუფლებას ენმ-ის პოლიტსაბჭოს წევრი ანა წითლიძეც.

„ვითხოვთ ახსნა-განმარტებებს, თუ რის საფუძველზე მოიხსნა სიჭინავა. ვაპირებთ სამართლებრივ ბრძოლას იმისთვის, რომ ამ ადამიანმა შეძლოს თავისი სიმართლის დამტკიცება და მათ აუცილებლად მოუწევთ პასუხსიგება ამ კონკრეტულ ქმედებაზე“, - აღნიშნა წითლიძემ.

თავის მხრივ, ჩხოროწყუს გამგებელი დავით გოგუა ბრალდებებს უარჰყოფს და ამბობს, რომ სიჭინავა სამსახურდან რეორგანიზაციის შედეგად გათავისუფლდა.

„ყველაფერი, რასაც ამბობს, არის სრული აბსურდი. რეორგანიზაციის შედეგად რამდენიმე აიპ გაერთიანდა, მათ შორის, სასპორტო სკოლა და ფეხბურთის ცენტრი, შესაბამისად, მოხდა შემცირება“, - თქვა რადიო „ათინათთან“ გოგუამ.

ვარლამ სიჭინავა აიპ ფეხბურთის ცენტრის მწვრთნელის თანამდებობას 1999 წლიდან იკავებდა.

Print Email
FaceBook Twitter
დაფინანსებული

უმეტესობა ჩვენგანი სახლში ყოფნისას დღის უმეტეს ნაწილს მისაღებ ოთახში ატარებს.

ბიზნესში რისკი ყოვლისმომცველი და გარდაუვალი ნაწილია. კომპანიები ყოველდღიურად აწყდებიან ოპერაციულ, ფინანსურ და სტრატეგიულ რისკებს.
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
სტატია
დღის სიახლეები
14 / აგვისტო 2025
სამეგრელოში ცხენი მხოლოდ გადაადგილების საშუალება არ იყო ის ღირსების, ტრადიციის და რწმენის სიმბოლო გახლდათ.ბიჭისთვის ცხენზე პირველად ჯდომა კაცად გახდომის საწყისად ითვლებოდა.
14 / აგვისტო 2025
უმეტესობა ჩვენგანი სახლში ყოფნისას დღის უმეტეს ნაწილს მისაღებ ოთახში ატარებს.
14 / აგვისტო 2025
ბიზნესში რისკი ყოვლისმომცველი და გარდაუვალი ნაწილია. კომპანიები ყოველდღიურად აწყდებიან ოპერაციულ, ფინანსურ და სტრატეგიულ რისკებს.
დილის ჩართვა
ოდაბადეშ კინოხონი
14 / აგვისტო 2025
დადიანების სასახლეთა საგანძური
ჩვენი თვითმმართველობა
არქივი
«« აგვისტო 2025 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.