სამეგრელო-ზემო სვანეთის სამხარეო ადმინისტრაცია ზუგდიდში გამართულ აქციას განცხადებით გამოეხმაურა, რომელსაც რადიო "ათინათი" უცვლელად გთავაზობთ:

"ვაცხადებთ, რომ დღეს გამართული აქცია მიზნად ისახავდა გუბერნატორის იმიჯის შელახვას და გახმოვანებული ინფორმაცია არ წარმოადგენს სიმართლეს. ცილისმწამებლური კამპანიას პოლიტიკური მიზანი აქვს და მის უკან ისეთი ადამიანები დგანან ვინც ბოლო 9 თვის მანძილზე პარტიული შეხედულებები მინიმუმ 3-ჯერ შეიცვალეს. გურგენ სართანიას, რომელიც თანამდებობის გამო მის ყოფილ კონკურენტებთან თანამშრომლობასაც საჯაროდ არ გამორიცხავდა, მხოლოდ ერთადერთი - შურისძიების მიზანი აქვს, რადგან ის მმართველმა პარტიამ გამგებლობის კანდიდიატად არ დაასახელა.

ფაქტების გარეშე საუბარი კორუფციაზე, ნეპოტიზმზე და კონტრაბანდაზე მინიმუმ არაეთიკურია. ჩვენ წილისმწამებლური მეთოდებით ბრძოლას, საქმის კეთებით ვუპირისპირდებით. ლევან შონიას გუბერნატორობის დროს რეგიონში განხორციელდა 1700-მდე მსხვილი ინფრასტრუქტურული პროექტი, რომლებიც მოსახლეობის ინტერესებზეა მორგებული და მათ საჭიროებებს პასუხობს. ჯერ კიდევ ბევრია სამუშაო, რათა ყველა სოფელში ახალი გზა, წყალი, გაზი, კეთილმოწყობილი საბავშვო ბაღები და სკოლები გვქონდეს. ამისთვის ვმუშაობთ ყოველ დღე ცენტრალურ და ადგილობრივ ხელისუფლებასთან, სხვადასხვა ფონდებთან თუ დონორ ორგანიზაციებთან.

რაც შეეხება ბრალდებას ზუგდიდის გამგეობის ყოფილი თანამშრომლების გათავისუფლებაში გუბერნატორის ჩართვასთან დაკავშირებით, სიმართლეს მოკლებულია. არც გუბერნატორი და არც მისი ადმინისტრაცია თვითმმართევლობების საკადრო გადაწყვეტილებებში არ ერევიან და არც უფება აქვთ. მეტიც გამგეობიდან თანამშრომელბის გათავისუფლება, ჩატარებული ატესტაციის შედეგად მიღებული დაბალი შედეგების მიხედვით მოხდა. ყოფილმა თამანშრომლებმა ასეთ დროს სასამართლოს უნდა მიმართონ.

რაც შეეხება აქციაზე გაჟღერებულ დანამატების თემას, სახელფასო დანამატები, კანონის შესაბამისად, ბიუჯეტის იმავე მუხლში არსებული თანხით, მიიღეს იმ თანამშრომლებმა ვინც არაშამუშაო საათებსა და დღეებში ზეგანაკვეთურ სამუშაოებს ასრულებდნენ. საწვავთან დაკავშირებით გაკეტებული განცხადებები კი გადაჭარბებულია და საუბარია არა ერთი თვის არამედ მთელი წლის მონაცემებზე. სამეგრელო-ზემო სვანეთის რეგიონი ერთ-ერთი ყველაზე დიდია და მიმდინარე პროექტების კოორდინირებისთვისთვის, თუ სხავა სამუშაოებისთვის სვანეთში, წალენჯიხაში, ჩხოროწყუში, მარტვილში, აბაშაში, სენაკში, ფოთში, ხობსა და ზუგდიდის სოფლებში კვირაში რამდენჯერმე გვიწევს სიარული. საწვავის გახარჯვა არსებული ლიმიტის შესაბამისად მოხდა და მისი გადაჭარბება არ მომხდარა.

ვწუხვართ, რომ უბედური შემთხევის შედეგად დაღუპული ზვიად ლაგვილავას ოჯახის ტრაგედიას სხვადასხვა პოლიტიკური ჯგუფები სათავისოდ იყენებენ. კიდევ ერთხელ გულითადა ვუსამძიმრებთ ზვადის ოჯახს", - ნათქვამია განცხადებაში.

ცნობისთვის, დღეს სამხარეო ადმინისტრაციის შენობის წინ ზუგდიდის გამგეობიდან გათავისუფლებულმა საჯარო მოხელეებმა და მათმა მხარდამჭერებმა საპროტესტო აქცია გამართეს. მათი თქმით, თვითმმართველობებიდან საჯარო მოხელეები უკანონოდ და პოლიტიკური ნიშნით გაათავისუფლეს. ამასთან, ისინი ადგილობრივი ხელისუფლების წარმომადგენლებს კორუფციასა და ნეპოტიზმში ადანაშაულებენ. აქციის მონაწილეებს შემდეგი შინაარსის მქონე ტრანსფარანტები უჭირავთ: "შონია სამეგრელოს შავი ჭირია", არა ნეპოტიზმს", "მოგვაშორეთ კონტრაბანდისტი გუბერნატორი" და სხვ. აქციაზე ასევე იმყოფება "თავისუფალი საქართველოს" ერთ-ერთი ლიდერი კახა კუკავა და სუს-ის გარდაცვლილი თანამშრომლის ზვიად ლაგვილავას და, ლენა ლაგვილავა.