„სამართლიანი არჩევნები და დემოკრატიული საზოგადოება“ – „თანაზიარის“ ახალი პროექტი (ვიდეო)
15:51 / 10.08.2017
საზოგადოებრივი ორგანიზაცია „თანაზიარი“ სამეგრელო - ზემო სვანეთის
რეგიონში ახალ წინასაარჩევნო პროექტს
იწყებს. „სამართლიანი არჩევნები და დემოკრატიული საზოგადოების“
პრეზენტაცია ორგანიზაციის დირექტორმა დემოკრატიული ჩართულობის ცენტრში
გამართა. მისი თქმით, პროექტის მიზანი ამომრჩეველთა ინფორმირებულობის
დონის ამაღლება და საარჩევნო პროცესის მონიტორინგის ხელშეწყობაა.
„საინფორმაციო შეხვედრებს ჩავატარებთ უშუალოდ სოფლებში, სადაც
ნაკლებია ინფორმაცია ადგილობრივი თვითმმართველობის შესახებ.
ადგილობრივებს კომპეტენტური ადამიანები გასცემენ შეკითხვებზე პასუხს.
გარდა ამისა, ჩატარდება ღია სტენდის აქცია და ქალაქის ცენტრში
მოსახლეობას შეეძლება სრულად ნახოს არჩევნების მიმდინარეობა, როგორ
იწყება და სრულდება საარჩევნო პროცესი“, - აღნიშნა ბეჭვაიამ.
შეხვედრას სხვადასხვა არასამთავრობო ორგანიზაციის წარმომადგენლები და
სხვა დაინტერესებული პირები დაესწრნენ. მათ პროექტს მხარდაჭერა
გამოუცხადეს და მასში მოხალისეობრივად ჩართვის სურვილიც
გამოთქვეს.
„ძალიან მნიშვნელოვანია, რომ არასამთავრობო ორგანიზაციებმა
განახორციელონ მსგავსი მონიტორინგი. საია საჭიროების შემთხვევაში
პროექტის ორგანიზატორებს შესაბამის კონსულტაციებს გაუწევს“, - თქვა
საიას ზუგდიდის ოფისის ხელმძღვანელმა ჯემალ ჭკადუამ.
შეხვედრაზე ასოციაცია „იმედი - დევნილ ქალთა მოძრაობა მშვიდობისათვის“
ხელმძღვანელმა ქრისტინე კილანავამ წინადადება წარმოაყენა,რომლის
თანახმადაც, ქალთა სოლიდარობის მიზნით, სასურველია, რომ ამომრჩეველმა
ქალ კანდიდატებს დაუჭიროს მხარი.
„ეს ჩვენი შემდგომი განვითარებისთვის ძალიან მნიშვნელოვანი იქნება“, -
დასძინა კილანავამ.
პროექტის მიზანია ამომრჩეველთა აქტიური თანამონაწილეობით საარჩევნო
პროცესების გამჭვირვალობის გაზრდა, არჩევნებისადმი საზოგადოების
ნდობის ამაღლება და მათი მაქსიმალური ჩართულობა პროცესში.
პროექტი ორთვიანია და მას „თანაზიარი“ „სამართლიანი სისტემის,
განვითარების, რეფორმებისა და სწავლების ცენტრის“ მხარდაჭერით
ახორციელებს.
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
აფხაზეთის ავტონომიური რესპუბლიკის მთავრობის ინფორმაციით, სამეგრელო-ზემო სვანეთის რეგიონში მთავრობის წარმომადგენლობის ახალ ხელმძღვანელად ირაკლი ბაღათურია დაინიშნა.
2025 წლის პირველ კვარტალში (იანვარი, თებერვალი, მარტი) საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 262.4 ათასით განისაზღვრა. ამის შესახებ ინფორმაციას სტატისტიკის ეროვნული სამსახური აქვეყნებს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები