ახალი ამბები
ზუგდიდელი მკვლევარი „ქვა-ტახტისთვის“ ტურისტული დანიშნულების მინიჭებას ითხოვს (ვიდეო)
ზუგდიდის დემოკრატიული ჩართულობის ცენტრში ისტორიკოს-მკვლევარმა ციცო შენგელაიამ საკუთარი კვლევის პრეზენტაცია წარმოადგინა, რომლის მიხედვითაც ბოტანიკურ ბაღში მდებარე ქვის ფილა ისტორიულ-სამართლებრივი მნიშვნელობის ძეგლია. შენგელაიას მტკიცებით, წერილობით წყაროებსა და ზეპირ გადმოცემებში მოცემულია, რომ აღნიშნულ „ქვა-ტახტზე“ მოქალაქეების საჩივრებს სამართლებრივად განიხილავდნენ, განსჯიდნენ და ვერდიქტს გამოაცხადებდნენ. რაც შეეხება ცაცხვის ხეს, რომელიც დადიანების ისტორიული მუზეუმის ეზოშია, 600 წლოვანია და მასზე მართლმსაჯულება აღესრულებოდა.




მკვლევარი ასევე ამბობს, რომ მართლმსაჯულების განხორციელებისა და აღსრულების ეს ფორმა მე-17 და მე-19 საუკუნებში იყო.



“დადიანები სჯიდნენ სამართალს და ვერდიქტს აცხადებდნენ. ეს ქვა აუზის ტერიტორიაზეა გადატანილი. სასჯელაღსრულების ხე კი მუზეუმის ეზოშია. მე წლების განმავლობაში მივმართავდი ადგილობრივ ხელისუფლებას, რომ მოგვეტანა ქვა, აღგვედგინა ტახტი, რესტავრაცია გაკეთებულიყო, მაგრამ ვერ მოხერხდა... ახლა კი უპრიანია მისი ადგილზე დაბრუნება. ეს არის მომავლის საქმე, რომ ვიცოდეთ, ჩვენი წინაპრები სამართალს როგორ განიხილავდნენ“, - აღნიშნა შენგელაიამ.

შეხვედრას საკრებულოს წევრები, ისტორიკოსები და საზოგადოების სხვა წარმომადგენლები დაესწრნენ. ღონისძიებაზე ააიპ ბოტანიკური ბაღების მართვის ცენტრის ხელმძღვანელი ზვიად ქარჩავაც იმყოფებოდა, რომელმაც თქვა, რომ ის ქვის ბოტანიკური ბაღის ტერიტორიიდან გატანის წინააღმდეგია. საბოლოოდ, შეხვედრის მონაწილეები შეთანხმდნენ, რომ მსგავსი ობიექტებისთვის ტურისტული დანიშნულების მინიჭება განხილვის საგანი უნდა იყოს.



„ხაზგასმა იყო იმაზე, როგორი სამართლებრივი ევოლუცია განიცადა ქართულმა მართლმსაჯულებამ... ვფიქრობ, საინტერესოა მოსაზრება ტურისტული დანიშნულების მინიჭების შესახებ, რომელიც ფართო საზოგადოებამ უნდა განიხილოს და გადაწყვეტილება შემდეგ იქნეს მიღებული“, - თქვა საკრებულოს წევრმა სანდრო სორდიამ.

შენგელაიას თქმით, შეხვედრის მიზანი სამეგრელოს რეგიონში ტურისტული განვითარების ხელშეწყობა და ახალი ტურისტული პროდუქტის ფორმირებაა, რომლის მიხედვით შესაძლებელია "ქვა-ტახტის", როგორც სამეგრელოს კუთხის სამართლის ისტორიის სიმბოლოს განთავსება დადიანების სასახლეთა წინამდებარე ტერიტორიაზე, 600 წლოვან ცაცხვის ხესთან.



Print Email
FaceBook Twitter
დაფინანსებული
2024 წლის იანვრიდან, სამეგრელოს რეგიონში მოქმედებს საქველმოქმედო ჰუმანიტარული ცენტრი „აფხაზეთის“ საკონსულტაციო ცენტრი.
ზუგდიდის მუნიციპალიტეტში საგზაო ინფრასტრუქტურის მოწყობა აქტიურად მიმდინარეობს.
ზამთარში თუ შვებულების საინტერესოდ გატარებას გეგმავ, მთავარი მისი სწორად დაგეგმვაა. სწორი გათვლებითა და მცირე დანახარჯებით შეგიძლიათ ოცნების არდადეგები მოიწყოთ.
დღის სიახლეები
18 / თებერვალი 2025
ზუგდიდში საპროტესტო შინაარსის სტენსილების ავტორსა და სამოქალაქო აქტივისტს როსტომ ზარანდიას პოლიცია ადმინისტრაციულ სამართალდარღვევათა კოდექსის 150-ე მუხლის მე-2 ნაწილის დარღვევას ედავება, რაც მუნიციპალიტეტის ტერიტორიის იერსახის დამახინჯებას გულისხმობს. შესაბამისი ვიდეო მასალა აქტივისტმა საკუთარ ფეისბუქ გვერდზე გაავრცელა, რომელშიც ნაჩვენებია, რომ პოლიციელებმა სამართალდარღვევის ოქმი მას სახლში მიუტანეს.
18 / თებერვალი 2025
აფხაზ „დეპუტატს“ კან კვარჩიას რუსეთის მოქალაქეობა ჩამოართვეს. სააგენტო „აიაშარას“ ცნობით, შესაბამისი დოკუმენტი მან რუსეთის ფედერაციის უშიშროების ფედერალური სამსახურისგან წინა დღით მიიღო.
18 / თებერვალი 2025
აფხაზეთის უმაღლესმა საბჭოს მიერ პარლამენტში წარდგენილი ინიციატივით, დევნილი ოჯახების საცხოვრებელი ფართით ან სათანადო ფულადი დახმარებით უზრუნველყოფის წესში ცვლილება ხორციელდება. დოკუმენტს დღევანდელ პლენარულ სხდომაზე, პირველი მოსმენით მხარი დაუჭირეს.
ოდაბადეშ კინოხონი
13 / თებერვალი 2025
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.