ზუგდიდში, დადიანების მუზეუმის მიმდებარე ტერიტორიაზე "თაფლის
ფესტივალი" მიმდინარეობს, რომელშიც ადგილობრივი მეწარმეები იღებენ
მონაწილეობას.
აქ მოსულ სტუმრებს შესაძლებლობა აქვთ დააგემოვნონ და სურვილის
შემთხვევაში შეიძინონ, ცაცხვის, აკაციის და წაბლის თაფლი. მათ
საკუთარი პროდუქცია სპეციალურად მოწყობილ პავილიონებში აქვთ
გამოფენილი.
"თაფლს ვაწარმოებ სოფელ ყულიშკარში. მაისის ანუ აკაციის სეზონის
დამთავრების შემდეგ მიმყავს სვანეთში, კერძოდ ჭუბერში. იქ
ვაწარმოებ ცაცხვისა და წაბლის თაფლს. დღეს წარმოდგენილი მაქვს, როგორც
აკაციის ასევე ცაცხვის თაფლი", - ამბობს მეფუტკრე პაატა თოდუა.
თაფლის გარდა, აქ წარმოდგენილია ფიჭა, ფუტკრის რძე, ყვავილის მტვერი,
სხვადასხვა ფორმის სანთლები, თაფლაკვერები, დინდგელი და სხვა.
ფესტივალზე ფუტკრებსაც
შეხვდებით, რომლებიც სპეციალურად დამზადებულ ყუთებში ჰყავდათ მოთავსებულნი.
კოოპერატივის "ნექტარი - 2016" წარმომადგენელმა თინათინ ბულიამ
გვითხრა, რომ წარმოდგენილი ფუტკრებისგან საუკეთესო
დედა ფუტკრები გამოჰყავთ.
"ყველაზე მნიშვნელოვანი რაც მინდა გითხრათ, რომ გვაქვს ფუტკრის
უნივერსალური საკვები, რომელსაც ჩვენ თვითონ ვამზადებთ. ეს არის
თაფლთან მიახლოებული ინვერსიული სიროპი ", - გვითხრა მან.
ადგილობრივების გარდა "თაფლის ფესტივალს" უცხოელებიც სტუმრობდნენ.
როგორც მათ რადიო "ათინათს" უთხრეს, ქართული თაფლი უკვე
დააგემოვნეს და ძალიან მოეწონათ.
"ძალიან მომწონს ეს ფესტივალი. კარგად არის ორგანიზებული და თემატურად
არის განლაგებული პავილიონები. ძალიან მომწონს, რომ ყველაფრის
დაგემოვნება შეიძლება, ყველაფერი ძალიან
გემრიელია",- ირინა ხაპერსკაიამ.
ფესტივალის ზუგდიდის მუნიციპალიტეტის მერიის ორგანიზებით გაიმართა.
მათი თქმით, ღონისძიების მიზანი მცირე და საშუალო ბიზნესის
ხელშეწყობა და თაფლის წარმოების, როგორც დარგობრივი მიმართულების
პოპულარიზაციაა.
მოსკოვმა და სოხუმმა დაამტკიცეს საქონლის ჩამონათვალი და მოცულობა, რომელსაც რუსეთიდან ოკუპირებულ აფხაზეთში შიდა მოხმარებისთვის „უბაჟოდ“ შეიტანენ. რუსეთის ეკონომიკის სამინისტროს ინფორმაციით, შესაბამის ოქმს მხარეებმა ხელი უკვე მოაწერეს, წერს „ აბხაზია ინფორმი“.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები