ახალი ამბები
ზუგდიდიდან მიუსაფარ ძაღლებს ქუთაისში გადაიყვანენ
ზუგდიდიდან მიუსაფარი ძაღლების თავშესაფარში მოთავსებაზე შპს „იმერეთი ჯგუფი“ იზრუნებს. სწორედ ამ კომპანიამ გაიმარჯვა მერიის მიერ გამოცხადებულ ტენდერში და მუნიციპალიტეტის ტერიტორიაზე მოხეტიალე უპატრონო ძაღლებს ქუთაისში მდებარე თავშესაფარში გადაიყვანს. აღნიშნული მომსახურებისთვის კი შპს, თითქმის, 28 ათას ლარს მიიღებს.

ხელშეკრულება კომპანიასა და მერიას შორის გუშინ, 12 აპრილს გაფორმდა. ტენდერში ფიზიკური პირი მარინა ჯანელიძეც მონაწილეოებდა, თუმცა, როგორც შესყიდვების ელექტრონულ ვებ გვერდზე გამოქვეყნებულ ინფორმაციაში ჩანს, მან ძაღლების თავშესაფარში გადაყვანისთვის „იმერეთი ჯგუფზე“ მეტი თანხა - თითქმის 30 ათასი ლარი მოითხოვა.

სატენდერო დოკუმენტაციის თანახმად, გამარჯვებულმა კომპანიამ უნდა უზრუნველყოს ძაღლების იზოლირება ჰუმანური და უმტკივნეულო მეთოდით (ლასოთი/ბადით) და ცხოველთა თავშესაფარში გადაყვანა. თავშესაფარში გადაყვანილი ცხოველების შესაბამისი გამოკვლევების შემდგომ მათი დამუშავება ჭიებზე, ბაქტერიებზე, პარაზიტებზე, სტერილიზაცია/კასტრაცია, ვაქცინაცია, იდენტიფიკაცია.  ასევე, კომპანიამ ყველა საჭირო პროცედურის შესრულების შემდგომ ცხოველები ბუნებრივ არეალში უნდა დააბრუნოს, ცხოველები უნდა განათავსონ საკარანტინე და შემდგომ იზოლირების ვოლიერებში, ამასთან, უნდა უზრუნველყონ ვეტერინარის დასკვნის საფუძველზე, უკურნებელი სენით დაავადებული ან სიკვდილის წინა სტადიაში (სიცოცხლესთან შეუთავსებელ მდგომარეობაში) მყოფი დაავადებული ცხოველის ევთანაზია და ცხოველთა ბიოთერმულ სამარხში გადაყვანა.

ელექტრონული შესყიდვების ვებ-გვერდზე გამოქვეყნებული ინფორმაციის თანახმად, საუბარია 461 ძაღლის გადაყვანაზე. მომსახურება კომპანიამ თვეში ორჯერ, 2019 წლის 31 დეკემბერის ჩათვლით უნდა უზრუნველყოს.

მიმდინარე წლის 4 თებერვალს ქალაქ ზუგდიდის მაჟორიტარმა დეპუტატმა მერაბ ქვარაია რადიო "ათინათის" ეთერში თქვა, რომ რეგიონული განვითარებისა და ინფრასტრუქტურის სამინისტროს მხარდაჭერით საქართველოს სხვადასხვა რეგიონში, მათ შორის სამეგრელოში 2019 წელს ცხოველთა თავშესაფრის მშენებლობაა დაგეგმილი.



Print Email
FaceBook Twitter
დაფინანსებული
ბევრი ადამიანი ცხოვრების სხვადასხვა ეტაპზე აწყდება კბილების არასწორი დგომის, ან თანკბილვის დარღვევის პრობლემას. ეს დეფექტები არ არის მხოლოდ ესთეტიკური ნაკლი;

6000 წელზე მეტია, რაც ცხენი და ადამიანი თანაგუნდელები არიან.

უმეტესობა ჩვენგანი სახლში ყოფნისას დღის უმეტეს ნაწილს მისაღებ ოთახში ატარებს.

სტატია
დღის სიახლეები
09 / ოქტომბერი 2025
დღევანდელ გადაცემაში საუბარია ,,ილორობაზე", ერთ-ერთ ყველაზე ძველ და უჩვეულო დღესასწაულზე, რომელიც განსაკუთრებული მნიშვნელობით გამოირჩეოდა დასავლეთ საქართველოში , კერძოდ სამეგრელოში.
03 / ოქტომბერი 2025
ბევრი ადამიანი ცხოვრების სხვადასხვა ეტაპზე აწყდება კბილების არასწორი დგომის, ან თანკბილვის დარღვევის პრობლემას. ეს დეფექტები არ არის მხოლოდ ესთეტიკური ნაკლი;
02 / ოქტომბერი 2025
მეგრელთა სულიერ სამყაროში ხე მხოლოდ ბუნების ნაწილი არ ყოფილა ის სიწმინდეა, რწმენასა და სინანულთან დაკავშირებული სიმბოლო.
დილის ჩართვა
ოდაბადეშ კინოხონი
09 / ოქტომბერი 2025
დადიანების სასახლეთა საგანძური
ჩვენი თვითმმართველობა
არქივი
«« ოქტომბერი 2025 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.