ახალი ამბები
ზუგდიდის პირველი სკოლის ჭიშკარზე მახათები ჩამოკიდეს
ზუგდიდის პირველი საჯარო სკოლის ჭიშკარზე სამოქალაქო აქტივისტებმა მახათები ჩამოკიდეს. ამით ახალგაზრდებმა დირექტორის, ნინო გოგინავას მიერ სოციალურ ქსელში გამოქვეყნებული კომენტარი გააპროტესტეს, რაც მათ მიერ ზუგდიდში ძეგლებისთვის ანტიოკუპაციური თვალსახვევის
გაკეთებას ეხებოდა. მახათებთან ერთად, მათ გოგინავას კომენტარის ამობეჭდილი ვერსიაც გააკრეს, რომელშიც ვკითხულობთ: „ვინც ეს მოიფიქრა, იმის თავში ჩამახედა, მახათები აჩუქეთ ამ ხალხს“.
სამოქალაქო აქტივისტებმა ზუგდიდში არსებულ თითქმის ყველა ძეგლს წითელი თვალსახვევი გაუკეთეს, რასაც საზოგადოების ნაწილის პროტესტი მოჰყვა.
აღნიშნული კომენტარი ამ მომენტისთვის არ იძებნება.
სამოქალაქო აქტივისტები მიიჩნევენ, რომ სკოლის დირექტორი თავის აზრს აგრესიით არ უნდა გამოხატავდეს.
"ჩვენ გვესმის აზრის გამოხატვის თავისუფლება და პატივს ვცემთ განსხვავებულ აზრს, მაგრამ როდესაც სკოლის დირექტორი თავის აზრს გამოხატავს აგრესიული ენით, მაშინ როცა ამ ქალბატონს ასობით ბავშვზე ეკისრება პასუხისმგებლობა, მისი აგრესია არის პრობლემა და ცხადია ეს ქალბატონი მიიღებდა პასუხს. ვიმედოვნებთ, რომ ქალბატონი ნინო გაიაზრებს ამ ყველაფერს. აქვე გვინდა გამოვეხმაუროთ, გუშინდელ რეაქციებს რომელიც გამოიწვია ზუგდიდში თითქმის ყველა ძეგლის თვალის ახვევამ. ცოტა წარმოუდგენელია რომ ვიღაცებისთვის ოკუპაციის გაპროტესტება, ასოცირდება შეურაცხყოფასთან. ეს ადამიანები იბრძოდნენ ჩვენი ქვეყნის უკეთესი მომავლისთვის, მათ სურდათ თავისუფალი და დამოუკიდებელი საქართველო, ასე რომ დიახ ეს ადამიანები დღეს ცოცხლები რომ იყვნენ ერთად ვიდგებოდით, ერთად ვიბრძოლებდით და ერთად არ შევეგუებოდით რუსულ ოკუპაციას. ილია ჭავჭავაძის "მგზავრის წერილები" წაიკითხეთ და მიხვდებით რომ დიახაც ერთად ვიდგებოდით სიმართლის და ქვეყნის სადარაჯოზე", - ამბობენ ისინი.
ნინო გოგინავამ რადიო "ათინათს" უთხრა, რომ ამით უბრალოდ აქცია გააპროტესტა და ეს არ იყო აგრესიის შემცველი.
"არანაირი აგრესია არ იკითხებოდა იმ კომენტარში. ჩამახედა მაგათ თავშითქო, მახათებია დასარიგებელი-თქო. არანაირად არ იყო აგრესიით დაწერილი. ნამდვილად არ უნდა ჩამოეკიდათ მახათები სკოლის ჭიშკართან, ამ შემთხვევაში. სოციალურ ქსელში მე წარმოვადგენ ნინო გოგინავას და როცა მინდა, რომ დირექტორის სტატუსით წარვდგე, არც ის მეშლება. ძეგლების ასეთი ხელყოფა, უბრალოდ უხერხულია. ეს არის უგულებელყოფა მათი უფლების. აი ეს გამოვხატე, რაც ჩემთვის იყო მიუღებელი, თორემ ახალგაზრდები რას გააპროტესტებენ, ეს მათი უფლებაა", - ამბობს გოგინავა.
ჭიშკარზე ჩამოკიდებული მახათები მოგვიანებით პედაგოგებმა ჩამოხსნეს.
"არანაირი აგრესია არ იკითხებოდა იმ კომენტარში. ჩამახედა მაგათ თავშითქო, მახათებია დასარიგებელი-თქო. არანაირად არ იყო აგრესიით დაწერილი. ნამდვილად არ უნდა ჩამოეკიდათ მახათები სკოლის ჭიშკართან, ამ შემთხვევაში. სოციალურ ქსელში მე წარმოვადგენ ნინო გოგინავას და როცა მინდა, რომ დირექტორის სტატუსით წარვდგე, არც ის მეშლება. ძეგლების ასეთი ხელყოფა, უბრალოდ უხერხულია. ეს არის უგულებელყოფა მათი უფლების. აი ეს გამოვხატე, რაც ჩემთვის იყო მიუღებელი, თორემ ახალგაზრდები რას გააპროტესტებენ, ეს მათი უფლებაა", - ამბობს გოგინავა.
ჭიშკარზე ჩამოკიდებული მახათები მოგვიანებით პედაგოგებმა ჩამოხსნეს.
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
ინტერვიუ
დღის სიახლეები
05 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
30 / მაისი 2025
აფხაზეთის ავტონომიური რესპუბლიკის მთავრობის ინფორმაციით, სამეგრელო-ზემო სვანეთის რეგიონში მთავრობის წარმომადგენლობის ახალ ხელმძღვანელად ირაკლი ბაღათურია დაინიშნა.
30 / მაისი 2025
2025 წლის პირველ კვარტალში (იანვარი, თებერვალი, მარტი) საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 262.4 ათასით განისაზღვრა. ამის შესახებ ინფორმაციას სტატისტიკის ეროვნული სამსახური აქვეყნებს.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები