„სამწუხაროდ, გახარიას პრემიერობის პირობებში, ვერანაირ პერსპექტივას ვერ ვხედავ ანაკლიის განვითარების. „დოიჩე ველემ“ მას უწოდა მოსკოვის კაცი და მე ამას სრულად ვიზიარებ. მთელი ამ პროცესის დროს გახარია ანაკლიის განვითარების წინააღმდეგი იყო სხვადასხვა შეფარული მიზეზებით, ხან ამბობდა, რომ კომერციულად მომგებიანი არაა. მათ არ ესმით ქვეყნის პერსპექტივის განვითარება. არ შეიძლება ასრულებდე იმ სახელმწიფოს დავალებებს, რომელიც შენს ინტერესებს ეწინააღმდეგება“, - თქვა ხაზარაძემ.

ხაზარაძემ ფეისბუქის საკუთარ გვერდზე დაწერა, რომ ახალი საზოგადოებრივი ორგანიზაცია უახლოეს დღეებში დაფუძნდება. მისი სპიკერი კი საია-ს ყოფილი თავმჯდომარე ანა ნაცვლიშვილი იქნება.